اسلام آباد۔ 15 فروری (اے پی پی) وزیراعظم نا خصوصی کمکار سیاسی امور نعیم الحق پارینے کہ ایوان نا کارروائی ءِ جوانی اٹ چلیفنگ خوانہ، اومیت ءِ شہباز شریف جیل آن یلہ مننگ آن پد جوان ءُ رویہ اس اختیار کیک، اومیت ءِ کہ وزیراعظم عمران خان دوشنبے نادے آ قومی اسمبلی ٹی اہم ءُ تران اس کیک۔ داخیال آتا درشانی ءِ او جمعہ نادے آ صحافی تتون گپ و تران کرسا کرے۔ اوپارے کہ سعودی عرب نا ولی عہد اِرادے ئی دورہ کن پاکستان آ سرمننگ ءِ۔ اوپارے کہ دوشنبے نا دے آ حکومت و اپوزیشن نا اہم ءُ دیوان اس مریک ہراٹی ایوان نا کارروائی ءِ جوانی اٹ چلیفنگ کن گپ و تران کننگک انتئے کہ نن خوانہ کہ ایوان اٹی گچین کانودی سازی اس کننگ مرے۔ اوپارے کہ تحریک انصاف قومی اسمبلی ءِ پوسکن و جوان وڑاٹ چلیفنگ خواہک۔ اگہ اپوزیشن مثبت ءُ رویہ اس اختیار کرے تو وزیراعظم عمران خان ہم دوشنبے نادے آ ایوان اٹی تران کیک۔ اوپارے کہ شہباز شریف ءِ پی اے سی نا چیئرمین نا عہدہ غان اینک کننگ آ وخت اس ہم سنجیدگی اٹ سجفنگتنے۔ شہباز شریف نا ضمانت نا فیصلہ نا شرف ءِ کینہ و اومیت کینہ کہ شہباز شریف اپوزیشن نا کڑ د ءِ جوان وڑاٹ پورو کیک۔ اوپارے کہ میڈیا ءِ بایدے زمواری نا درشانی ءِ کروئی مرے۔
