اسلام آباد۔ 15 فروری (اے پی پی) پاکستان تحریک انصاف نا بنجائی سیکرٹری اطلاعات عمر سرفراز چیمہ پارینے کہ سعودی ولی عہد نا دورہ غان ہڑتوم آ ملک آتا نیا م اٹ تین پہ تینی معاشی و دوستانہ تعلقداریک پین سوگو مریرہ وخت اس کہ پاکستان اٹی سعودی زرکاری آن ملکی معیشت اٹی گچینی بریک۔ داخیال آتا درشانی ءِ او جمعہ نادے آ اے پی پی تون خصوصی گپ و تران کرسا کرے۔ اوپارے کہ سعودی عرب مدام ہرمشکل ساہت اٹی پاکستان تون تفینے۔ وزیراعظم عمران خان نا سرکڑدہ ہی ٹی ساڑی حکومت نا گام گیج آتیان درملکی زرکار آتا پاکستان آ پت بحال مسنے و اوفک ملک اٹی زرکاری ٹی بھاز است خواہی تخنگ ءُ۔ اوپارے کہ سعودی عرب نا ولی عہد نا دورہ ٹی ہڑتوم آ ملک آتا نیام اٹ چندی معاہدہ و مفاہمت نا یات داشت آتیا دستخط کننگک ہراڑان پاکستان اٹی بھلو زرکاری اس بریک۔
