اسلام آباد۔ 15 فروری (اے پی پی) گوادر سٹی ماسٹر پلان ءِ بروک آ 6ہفتہ غاتے ٹی گڈیکو دروشم اس تننگک، گوادر نا کیہی ڈٹ بشمول پاور پلانٹ ، گوادر ایئر پورٹ، ووکیشنل انسٹی ٹیوٹ و ہسپتال نا ڈٹ آتا بناءِ کننگک۔ سی پیک سیکرٹریٹ نا کمامدار آک پاریر کہ گوادر نا شونداری حکومت نا اولیت ءِ۔ اوپاریر کہ گوادر نا شونداری ڈٹ آتے ٹی گوادر ایئر پورٹ، ہسپتال، ووکیشنل انسٹی ٹیوٹ و پاور پلانٹ آ کاریم ءِ ترند کننگانے ، دا ڈٹ آک نئے بیرہ داڑے زرکاری کن سازگار چاگڑد اس تننگ اٹ کمکار مریرہ بلکن ہندی آبادی ءِ بنداوی آسراتی تننگ ممکن مریک۔ اومستی پاریر کہ گوادر اٹی سہ کرڈہ ہی زرکاری کن حالیت آک سازگار ءُ۔ گوادر ماسٹر پلان آ غٹ اسٹیک ہولڈر آتا امنائی دوئی مسنے۔ زوت دا پلان ءِ گڈیکو دروشم اس تننگک۔
