اسلام آباد ۔ 14 فروری (اے پی پی) چیئرمین سینیٹ محمد صادق سنجرانی ءَ پیسریگیں سینیٹر سحر کامران ءِ پت ءِ بیرانی ءِ پد ءَ گرانیں ڈکھ ءُُ اندوھ ءِ درشان کت۔ سینیٹر سحر کامران ءِ گس ءِ مردم آں گوں دلپدردی ءِ درشان کنان ءَ محمد صادق سنجرانی ءَ ھُدا مرزی ءِ آکبت پہ ھیری ءِ واستہ اللہ تعالیٰ ءَ گوں دعا ءِ نیک کت۔ وتی کلوہ ءِ تہ ءَ چیئرمین سینیٹ ءَ گوشت کہ اللہ تعالیٰ گمیگیں مردم آناں سبر ءُُ اوپار کشی ءِ زکت ءَ بدیات ۔ ڈپٹی چیئرمین سینیٹ سلیم مانڈوی والا، سینیٹ ءِ باسک سینیٹر سید شبلی فراز، بُکگ جنوکیں پارٹی ءِ سروک راجہ محمد ظفرالحق، سیکرٹری سینیٹ امجد پرویز ملک ءَ ھم سینیٹر سحر کامران ءِ پت ءِ بیرانی ءِ پد ءَ اپسوزی ءِ درشان کت۔
