سعودی ولی زمانگ شہزادہ محمد بن سلمانءِ تر ءُُ تاب ءِ ھوالگ ءَ تیاری آنی چار ءُُ تپاسی زورگ بوت
اسلام آباد ۔ 14 فروری (اے پی پی) مزن وزیر عمران خان ءِ سروکی ءَ سعودی عرب ءِ ولی زمانگ شہزادہ محمد بن سلمان ءِ تر ءُُ تاب ءَ تیاری آنی سر ءَ چار ءُُ تپاسی زورگ ءِ واستہ پنچ شمبے ءِ روچ ءَ مزن تکی دیوان ءِ برجم دارگ بوت۔ سعودی ولی زمانگ مزن تکی ڈل ءِ ھمبراھی ءَ 16فروری ءَ پاکستان ءِ دو روچی تر ءُُ تاب ءَ کنت۔ مزن وزیر ءَ سعودی ولی زمانگ محمد بن سلمان ءِ جوانیں یاتگیری وش اتک، پاکستان ءَ دزگٹی ءُُ شرپ مندیں مہمان آنی واستہ کتگیں گامگیج آنی ھاترا بست ءُُ بند آنی چار ءُُ تپاسی وت گپت۔ اے موہ ءِ سر ءَ مزن وزیر ءَ گوشت کہ سرمایہ کاری ءُُ کاروبار ءَ را دیمروئی دیگ ءِ واستہ ھمک رنگ ءِ آسراتی پجاری کنگ بیت۔ آئی ءَ گوشت کہ آسانیں ویزہ ءُُ کاروبار ءِ واستہ توامیں آسراتی ءِ پجاری دل یکیمی کنگ ءَ آں۔ آئی ءَ گوشت کہ پاکستان پڑ ءِ مھکمیں ایمنی ءِ واستہ وتی جوانیں کرد ءَ جاڑی دار ایت۔ آئی ءَ گوشت کہ ایش انت نوکیں پاکستان ایشی ءِ نیمگ سرجمیں دگنیا چارگ ءَ انت۔ دیوان ءَ وزیر ءِ ھزانگ اسد عمر، وزیر ءِ اھوالکاری ءُُ شنگ کاری چوہدری فواد حسین ، وزیر ءِ پٹرولیم غلام سرور خان، مشیر تجارت عبدالرزاق داؤد، مزن وزیر ءِ ھاسیں کمکار یوسف بیگ مرزا، افتخار درانی، درئی سیکرٹری تہمینہ جنجوعہ، سیکرٹری اھوالکاری، سیکرٹری ھزانگ، سیکرٹری توکی کار، ڈی جی آئی ایس پی آر، چیئرمین سرمایہ کاری بورڈ ءُُ ایندگر کلانہ ایں کارندہ آں بھر زوری کت۔
