اسلام آباد ۔ 14 فروری (اے پی پی) مزن وزیر عمران خان ءَ گوشت کہ سرتی ءِ موسم ءَ جاڑیگیں ھور آنی سبب ءَ موسم وشی ءَ ابید آپ ود اِتگ ایشی ءَ چہ ملکی معیشت ءَ را گیش سیت رسیت ءُُ دان آنی کشار ءِ تہ ءَ گیشی بیت۔ آئی ءَ اے گپ پنچ شمبے ءِ روچ ءَ وتی ٹویٹ ءِ تہ ءَ گوشت۔ مزن وزیر ءَ ٹویٹ ءِ تہ ءَ گوشت کہ سرتی ءِ موسم ءَ ھور ءِ دیگ ءِ پد ءَ اللہ رب العزت ءِ شگر ءُُ منت ءَ گراں، موسم ءِ وش بوھگ ءِ سبب ءَ (گلیشیئر) آنی تہءَ گیشی ءَ ابید ملکی معیشت ءَ را اربانی کلدار ءِ نپ ءُُ سیت رسیت۔ مزن وزیر دءَ امیت سہرا کت کہ اے سال ءَ مارا انشاء اللہ گلہ ءِ رون باز جوان بیت۔
