چینی چاہندار آتا ڈل اس ہند اتُو انا آخیر اٹی پاکستان نا دورہ ءِ کیک

ہڑتوم آ ملک آتا چاہندار آک کشت وکشار، تعلیم، جان جوڑی ، نیزگاری نا چٹفنگ، آبنوشی و تکنیکی تعلیم نا بشخ اٹی کمکاری نا جاچ ءِ ہلیرہ
اسلام آباد۔ 14 فروری (اے پی پی) چین وپاکستان نا نیام اٹ راجی و معاشی کمکاری نا چرجوئی ٹی ہند ا تُو انا آخیر اٹی چینی چاہندار آتا ڈل اس پاکستان نادورہ ءِ کیک۔ دادورہ ٹی پاکستان و چینی چاہندار آک کشت و کشار، تعلیم، جان جوڑی، نیزگاری نا چٹفنگ ، آبنوشی و تکنیکی تعلیم نا بشخ اٹی کمکاری نا جاچ ءِ ہلیرہ۔ بنجائی حکومت صوبہ غاتون اواری اٹ اسہ روڈمیپ اس تیار کننگ ءِ تانکہ دا بشخ اٹی زوت آن زوت ڈٹ آتے جاری کننگ مرے۔ دا بشخ آتے ٹی گچینی آن پاکستان نا جی ڈی پی ٹی ودکی مریک و پائیدار شونداری ہدف آتے دوئی کننگ اٹی ہم کمک رسینگک۔