اسلام آباد۔ 14 فروری (اے پی پی) پیپلزپارٹی پارلیمنٹرین نا بنجائی سیکرٹری اطلاعات ڈاکٹر نفیسہ شاہ پارینے کہ بے نظیر انکم سپورٹ پروگرام آن نیزگارنیاڑی تے زر تفننگ است ہسونی اسے، زرداری آن بیر ہلوک آک نیزگار و نادار زالبول آن بیر ہلپس۔ پنچ شنبے نادے آ تینا بیان اٹی اوپارے کہ نن دا پہہ مفننگ اُن کہ زالبول ءِ زر جاری کپننگ بے نظیر تون کست و کینہ ءِ، یا نیزگارآتون خار۔ نفیسہ شاہ پارے کہ آصف زرداری خواہسکہ کہ نیزگار زالبول نا تنگ دستی ءِ مر کننگ مرے، آصف زرداری ءِ بیر ہلنگ نا نشانہ کروک آک بے نظیر انکم سپورٹ پروگرام آن امدادی زر دوئی کروک آ زالبول ءِ ہم بیر ہلنگ نا نشانہ کننگ ءُ۔ نن پانہ کہ زرداری آن بیر ہلنگ اٹ دا نیاڑی تے بیر ہلنگ نا نشانہ جوڑ کننگپ۔ اوپارے کہ داہیت ثابت مسنے کہ بیرہ پیپلزپارٹی ءِ ہی نیزگار الس نا فکر ءِ۔ اوپارے کہ نیزگار زالبول نا حق آ ڈاکہ بٹوک آ ک احتساب کن تیار مریر۔
