اسلام آباد۔ 14 فروری (اے پی پی)بنجائی وزیر آبی وسیلہ فیصل واوڈا پارینے کہ گدرینگوک آ پنجا سال اٹی ہچ ءُ حکومت اس داسو ڈیم نا ڈٹ ءِ سنجیدگی اٹ التنے، داسو ہائیڈرو پاور پروجیکٹ نا جوڑ کننگ کن ڈغانا دوئی کننگ نا عمل ءِ ترند کننگے۔ داخیال آتا درشانی ءِ اوخیبر پختونخوا نا وزیراعلیٰ محمد خان تون اوار داسو ہائیڈرو پاور پروجیکٹ نا سٹیئرنگ کمیٹی نا 13می دیوان نا کماشی ءِ کرسا کرے۔ دیوان اٹی خیبر پختونخوا حکومت، واپڈا، بنجائی وزارت آبی وسیلہ ، ای اے ڈی و فنانس نا بڑزکو کمامدارآک ساڑی ئسر۔ دیوان نا اہم انگا ایجنڈا ڈغار نا دوئی کننگ نا عمل ءِ ترند و ایسر کروئی ئس۔ تدوک آ دیوان نا رداٹ کے پی کے حکومت اسہ رپورٹ اس پیش کرے ہراٹی او غٹ اختیار آتا بارواٹ معلومدار کرے ہراٹی ہائیڈرو پاور پروجیکٹ نا چرجوئی ٹی زہمی تتون سلابت و ڈغار نا دوئی کننگ نا عمل ءِ ترند کننگ کون آ گام گیج آک اوار ئسر۔ فیصل واڈا پروجیکٹ ٹیم ءِ ڈغار نا دوئی کننگ اٹ ترند ی اتنگ نا پارت کرے و اڑاند آتے مر کننگ نا چرجوئی ٹی تینا پورو مخ تفی نا باوری ترفے۔
