اسلام آباد۔ 14 فروری (اے پی پی) بنجائی وزیر دفاعی پیداوار زبیدہ جلال ہری پور اٹی این آر ٹی سی نا دورہ ءِ کرے ہراڑے او دے ادارہ نا کارکڑدگی و اوٹی تیار مروک آ پوسکن آ مواصلاتی نظام آ احوال تننگا۔ نیشنل ریڈیو ٹیلی کمیونیکیشن کارپوریشن (این آرٹی سی) ٹی پوسکن آ مواصلاتی و سیکورٹی نا نظام ملکی وسیلہ غاتے ٹی مرسا تیار کننگ انگ ءِ۔ این آر ٹی سی نا ایم ڈی نا رداٹ جہانی آب انا ازباب آتا ملکی کہول آ تیاری آن نئے بیرہ کثیر زرمبادلہ نا بچت مننگ ءِ بلکن اوفتا درآمد آن ملکی معیشت اٹی اہم ءُ کڑد اس ادا کننگ انگ ءِ۔ بنجائی وزیر ءِ فائبر آپٹکس، شمسی توانائی و سافٹ ویئر نا بشخ اٹی پین اپ گریڈیشن آ حوال تننگا۔ بنجائی وزیر پارے کہ پاکستان کن فخر انا ہیت اسے کہ ننا ساڑی آ حکومت دفاعی صنعت آب اٹ و کم خڑچ انا پوسکن آ مواصلاتی ازباب تیار کننگ ءِ ہرانئے بیرہ ملکی گرج آتے پورو کننگ ءُ بلکن ملکی درآمد آتے ٹی ہم ودکی کننگ ءُ۔ بنجائی وزیر ادارہ ٹی ریسرچ و ڈویلپمنٹ نا کمک اٹ مصنوعات آتے ٹی پین گچینی اتنگ آ است جمی نا درشانی ءِ کرے۔ بنجائی وزیر این آر ٹی سی ٹی نیال اس خلسا شجر کاری مہم نا بناءِ کرے۔

متعلقہ مضامینمصنف کی طرف سے مزید