چیئرمین سینیٹ محمد صادق سنجرانی نا چین نا السی سیاسی سلابتی کانفرنس نا نائب چیئرمین گاوین لانگ تون اوڑدہی ٹی گپ و تران

اسلام آباد۔ 14 فروری (اے پی پی) چیئرمین سینیٹ محمد صادق سنجرانی پارینے کہ پاکستان و چین نا تعلقداریک اسہ پوسکن ءُ دور اسے ٹی پترینگانو، چین اتون لازوال سنگتی آ ننے فخر ءِ، وزیراعظم عمران خان نا چین نا دورہ تعلقداری تا اسہ پوسکن ءُ تاریخ اس نوشتہ کرے ، سی پیک نا سوب ڈیہہ نا معیشت آ مثبت زہم تمانے ، ہڑتوم آ ملک آتے ٹی پارلیمانی رابطہ و ڈل آتا ہن و بر اٹی ترندی ستاکڑزک۔ داخیال آتا درشانیءِ او پنچ شنبے نادے آ چین نا السی سیاسی سلابتی کانفرنس نا نائب چیئرمین گاوین لانگ تون اوڑدہی ٹی کرے ۔ چیئرمین سینیٹ محمد صادق سنجرانی پارے کہ پاکستان و چین نا تعلقداریک اسہ پوسکن ءُ دور اسے ٹی پترینگانو۔ چین اتون لازوال سنگتی آ ننے فخر ءِ۔ اوپارے کہ وزیراعظم عمران خان نا چین نا دورہ تعلقداری تا اسہ پوسکن ءُ تاریخ اس نوشتہ کرے۔ سی پیک نا سوب ڈیہہ نا معیشت آ مثبت زہم تمک۔ صادق سنجرانی پارے کہ ہڑتوم آ ملک آتے ٹی پارلیمانی رابطہ و ڈل آتا ہن و بر اٹی ترندی ستاکڑزک۔ ادارہ جاتی کمکاری ءِ پین سوگو کروئی مریک۔ اوپارے کہ پاکستان نا غٹ سیاسی واکدار آک پاک چین سنگتی نا بابت اسہ وڑنا نقطہ نظر تخرہ۔