اسلام آباد۔ 14فروری (اے پی پی) وزیر خارجہ مخدوم شاہ محمود قریشی پارینے کہ امریکہ و پاکستان نا تعلقداریک اسہ اہم ءُ موڑاسے ٹی پترینگانو۔ کنا اولیکو دے آن کوشست ئس کہ داتعلقداری تے اول سرآن گنڈنگے و داٹی الحمداللہ پیش رفت مننگ ءِ، امریکی کمامدارآتا ساڑی آ بیانک بے کچ مثبت ءُ پاکستان آ دوتے بڑزکننگ نا جاگہ غا پاکستان نا کڑد انا ستاءِ کننگ انگ ءِ۔ داخیال آتا درشانی ءِ او جرمنی نا شار میونخ نا دورہ غا رادہ مننگ آن مست میڈیا تون گپ و تران کرسا کرے۔ اوپارے کہ میونخ اٹی گلوبل سیکورٹی کانفرنس اٹی بشخ ہلنگ کن جرمنی آ رادہ مننگ اُٹ۔ داکانفرنس اٹی مچ آ دنیا ٹی بھاز انگا ملک آک بشخ ہلیرہ۔ مچ آ دنیا غان وزیر خارجہ غاک، وزیر دفاک، سیکورٹی چاہندارآک داکانفرنس اٹی بشخ ہلیرہ و جہانی سیکورٹی حالیت آتیا آخبت کن اسہ سوگو ءُ لائحہ عمل اس مرتب کننگک۔ ای ہموڑے پاکستان نا نمائندگی ءِ کننگ کن ہِننگ اُٹ۔ اوغانستان آ داوخت آ مچ آ دنیا ٹی شرہ مننگ ءِ۔ میونخ آاوغان صدر اشرف غنی ہم بننگ ءِ اسہ پینل ڈسکشن اسے ٹی او اوغانستان نا نقطہ ء نظر ءِ پیش کیک و ای پاکستان نا نقطہ ءِ نظر ءِ غٹ انا مون آ تخیوہ۔ داکان بیدس امریکی کانگرنس نا باسک آتا اسہ بھاز بھلو ڈل اس (ہراٹی 9 سینٹرز و دہ ہاؤس آف ریپریزینٹیٹیو نا باسک آک اوار ءُ) ہموڑے بننگ ءُ ہرافتے تون ہموڑے اوڑدہی نا گمان ارے۔ امریکہ وپاکستان نا تعلقداریک اسہ اہم ءُ موڑاسے ٹی پترینگانو۔ کنا اولیکو دے آن کوشست ئس کہ دا تعلقداری تے اول سرآن گنڈنگے و داٹی الحمد اللہ پیش رفت مننگ ءِ، امریکی کمامدارآتا ساڑی آ بیانک بے کچ مثبت ءُ پاکستان آ دوتے بڑزا کننگ نا جاگہ غا پاکستان نا کڑد انا ستاءِ کننگ انگ ءِ۔ پاکستان اوغانستان اٹی امن کن ہراکوشست آتے کننگ ءِ اوفتا اینو دنیا ستاءِ کننگ ءِ۔ داکان بیدس کنا روس، جرمنی ، کینیڈا و ازبکستان نا وزیر خارجہ غاتون اوڑدہی مریک۔ کنا خواہش ءِ کہ یورپی یونین نا نمائندہ خارجہ امور فیڈریکا موگیرینی تون ہم اوڑدہی مرے تانکہ نن پاکستان و یورپین یونین نا نیام اٹ اسٹریٹجک انہانسمنٹ پلان ءِ حتمی دروشم اس تننگ کین۔
