اسلام آباد ۔ 13 فروری (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ پاکستانی راج ءَ ناشرکاری ءِ ناسور ءِ دلیری ءُُ سوبمندی ءَ گوں مقابلہ کتگ انت، آسرکاری ءُُ بیم کاری ءِ ھلاپ ءَ راجی ءُُ میاں اوستمانی بیانیہ جوڈ دیگ لوٹگ انت، سوشل میڈیا ءِ سرا ساڑ ءُُ بھیسہ ءِ ڈیٹا ءَ را رگ ءِ ھاترا گامگیج زورگ بوھگ انت۔ اسلام ءِ تہ بیم کاری ءُُُ ناشرکاری ءِ ہچ تصور نیست انت،اوگان جیڈھ ءِ تہ گٹ بوھگ چہ پاکستان ءِ تہ بیم کاری تالان بوتگ۔اے ھیالانی درشان آہاں چار شمبے ءَ ’’بحرانی جاورھال ءِ تہ تزویراتی رھوت ءُُ رسانک در انی کرد‘‘ ءِ باروا 5روچیں رکشاپ ءِ گڈی مراگش ءَ گوں تران کنان ءَ کتگ ات۔آہاں گوشت کہ مئے سگگ ءُُ دلبڈی ءِ راج دپتر باز کوھنیں انت بلے 1980ءِ تہ ھمساھگی ءِ تہ گٹ بوتگوں،ایشی چہ ملک ءِ تہ ناشرکاری ءُُ بیم کاری تالان بوتگ۔آہاں گوشت کہ پاکستانی دلیریں راج انت آہاں ناشرکاری ءُُ بیمکاری ءِ ھلاپ ءَ بے مٹیں قربانی داتگ ات ءُُ اے ناسور ءِ سرا قابو کتگ۔آہاں گوشت کہ اسلام برصغیر ءِ تہ تلوار ءِ زور ءِ سرا نہ بلکہ صوفی ازم ءِ وسیلگ ءَ تالان بوتگ۔آہاں گوشت کہ اسلام ءِ تہ بیم کاری ءُُ شدت پسندی ءِ تصور نیست انت۔آہاں گوشت کہ برصغیر ءِ مہلوک ھاسکر سندھ ءِ دود ءُُ ربیدگ ءِ تہ سگگ ءِ باز کوھنیں راج دپتر انت۔دگنیا ءَ را بیم کاری وڈیں سنگین چیلنجانی دیم انت۔پاکستان ءَ را ھم ناشرکاری ءُُ آسرکاری ءِ دیمپان انت،آہاں گوشت کہ بھارت ءِ تہ مودی حکومت آھگ چہ پدا بیم کاری ءَ ودکی اتکگ انت۔دگنیا ءَ لہتیں چاگرد کجام نہ کجام ءِ آسرکاری ءِ شکار انت۔آہاں گوشت کہ کانود ءِ سرا وڈ ءُُ پیم کنائینگ استان ءِ ذمہ واری انت، عمران خان حکومت ءِ اولی روچ ءَ چہ ہی کانود ءِ سرا وڈ ءُُ پیم ءَ را سدکی جوڈ کنگ ءِ ھاترجزم دار انت ءُُ کسے ءَ را ھم ملک ءِ تہ ساڑ ءُُ بھیسہ تالان کنگ ءِ اجازت نیست انت، سوشل میڈیا ءِ سرا ساڑ ءُُ بھیسہ ءِ چیزانی گرودار ءِ ھاتراگامگیج کنگ انت،سوشل میڈیا ءِ ردیں کامردی کنوکیں مردماں را دزگیر کنگ بوتگ انت ءُُ آوکیں لہتیں روچاں گیش دزگیری کنگ بوھگ انت۔آہاں گوشت کہ حکومت ون ونڈو آپریشن ءِ وسیلگ ءَ میڈیا ءُُ سوشل میڈیا ءِ سرا ساڑ ءُُ بھیسہ ءِ وڈیں گشتانک ءِ گرودار ءِ ھاترا پاکستان میڈیا ریگولیٹری اتھارٹی ءَ جوڈ کنگ انت۔آہاں گوشت کہ بیم کاری چہ ناشرکاری ءِ بیج کشگ بوھگ انت بلے گپ ءُُ تران ءَ گوں جیڈھ حل کنگ بوھگ انت۔آہاں بیم کاری ءِ باروا ورکشاپ برجم کنائینگ ءِ سرا پی پی سی ءَ را ساڑ اتگ پرچا کہ بیم کاری میاں اوستمانی جیڈھ انت۔ایشی ءَ چہ پیسر ءَ چیف ایگزیکٹو آفیسر شبیر انور ءَ ورکشاپ ءِ مول ءُُ مراد ءِ سرا روژنی مان کتگ۔ پیپس ءِ ایگزیکٹو ڈائریکٹر بیرسٹر ظفر اﷲ خان ءَ ھم اے موہ ءِ سرا تران کتگ۔ ورکشاپ ءِ تہ بنجاہی اسمبلی ءِ باسکاں،سینیٹ ءُُ چاریں صوبگانی اسملیانی ھوار گلگت بلتستان ءُُ آزات کشمیر ءِ کانود ساچ اسمبلیءِ باسکاں بھرزوری کتگ۔
