صدر مملکت ڈاکٹر عارف علوی ءَ سری لنکا ءِ سلاھ بندیں اُرد ءِ چیف آف ڈیفنس سٹاف ایڈمرل رویند راچند راسری وجیگو نارتنے ءَ را (ملٹری) داد ’’نشان امتیاز‘‘ داد

اسلام آباد ۔ 13 فروری (اے پی پی) صدر مملکت ڈاکٹر عارف علوی ءَ سری لنکا ءِ سلاھ بندیں اُرد ءِ چیف آف ڈیفنس سٹاف ایڈمرل رویند راچند را سری وجیگونارتنے ءَ را ’’نشان امتیاز‘‘ (ملٹری) داد دات۔ اے رد ءَ ایوان صدر اسلام آباد ءَ چار شمبے ءِ روچ ءَ مراگش ءِ برجم دارگ بوت۔ چیئرمین جوائنٹ چیفس آف سٹاف کمیٹی جنرل زبیر محمود حیات ’’ نشان امتیاز‘‘ (ملٹری) ءُُ ٹوھیں کارندہ آں مراگش ءَ بھر زوری کت۔ ایشی ءَ پد ایڈمرل رویندرا چندرا سری وجیگونارتنے ءَ صدر مملکت ڈاکٹر عارف علوی ءَ گوں گند ءُُ نند کت۔ اے موہ ءِ سر ءَ ھیالانی درشانی ءَ کنان ءَ صدر ءِ مملکت ءَ گوشت کہ پاکستان سی لنکا ءِ گوما یکوئی آناں جوانیں ارزشت دنت ۔ آئی ءَ ایمن 2019ایکسرسائز آنی تہ ءَ سری لنکا ءِ زرّئی اُرد ءَ را گشتانکار ءِ بستار ءُُ مڈی آنی گوما شریک بوھگ ءَ را ساڑات۔ صدر ءِ مملکت ءَ گوشت کہ گوادر، کراچی، کولمبو ءُُ ہمبن طوچہ ءِ آیوکیں باندات ءِ رابطہ ءَ چہ دمگی یکوئی آنی تہ ءَ گیشی دل یکیمی بوت کنت ءُُ ایشی ءَ چہ بے دروریں اقتصادی چست ءُُ ایر بنت اِنت۔ آئی ءَ گوشت کہ پاکستان بدھا سیوالائیزیشن دود ءُُ ربیدگ ءِ بنجاھ اِنت ءُُ حکومت سری لنکا ءِ گوما سیل ءُُ سوادی کمک ءُُ دود ءُُ ربیدگ ءِ دیمروئی ءِ واستہ بازیں گامگیج چست کنگ ءَ انت۔ سری لنکا ءِ سلاھ بندیں اُرد ءِ چیف آف ڈیفنس سٹاف ایڈمرل رویندرا چندرا سری وجیگونارتنے ءَ صدر مملکت ءُُ حکومت پاکستان ءِ نیمگ ءَ ’’نشان امتیاز‘‘ (ملٹری) داد دیگ ءِ پد ءَ شگر ءُُ منت گران ءَ امیت سہرا کت کہ آیوکیں باندات ءَ دوئیں براتیں ملک آنی نیام ءَ وت مہ وتی آناں گیش دیمروئی رسیت۔