اسلام آباد ۔ 13 فروری (اے پی پی) صدر مملکت ڈاکٹر عارف علوی ءَ گوشت کہ کوچگ دمگ آنی دیمروئی ءِ واستہ کشت ءُُ کشاری کلیتی بستار ءَ دار ایت، سیل ءُُ سواد ءِ دیمروئی دور ءُُ گستائیں دمگ آنی تہ ءَ گریبی ءِ ھلاسی ءَ کمکار سہرا بوت کنت۔ آئی ءَ اے گپ چار شمبے ءِ روچ ءَ چیئرمین رورل سپورٹ پروگرام نیٹ ورک شعیب سلطان ءِ نیمگ ءَ سرجمیں ھیال آنی درشانی ءِ وھد ءَ کت۔ صدر ءِ مملکت ءَ گوشت کہ رورل سپورٹ پروگرام کوچگ آنی تہ ءَ گریبی ءَ را ھلاس کنگ ءَ ارزشتی ایں کرد پیلو کنگ ءَ انت، اے مراگش ءِ کار رپک ءَ را گیش شاھیگان کنگ لوٹ ایت، کوچگ آنی دیمروئی ءِ واستہ کشت ءُُ کشاری ءِ دیمروئی کلیتی بستار ءَ دار ایت۔ صدر ءِ مملکت ءَ گوشت کہ اے دمگ آنی زالبول آناں ھمک شوبگ ءَ دیم ءَ آرگ لوٹ ایت۔ کوچگ آنی تہ ءَ جان سلامتی ءُُ زالبول آنی ھک آنی رکھینگ ءِ ھوالگ ءَ سرپدی ءِ واستہ کار کنگ بہ بیت۔ صدر ءِ مملکت ءَ گوشت کہ سیل ءُُ سواد ءِ دیمروئی دور ءُُ گستائیں دمگ آنی تہءَ گریبی ءِ ھلاسی ءَ کمکار سہرا بوت کنت، رورل سپورٹ پروگرام نیٹ ورک ءُُ بی آئی ایس پی ءَ را وت مہ وتی کمک ءَ چہ گریبی ءِ ھلاسی ءِ واستہ کار کنگ لوٹ ایت، سیادی داروکیں وزارت آنی کمک ءَ چہ جان سلامتی ءُُ وانگ ءُُ زانگ ءِ منصوبگ آنی بنگیج کنگ بہ بیت۔
