اسلام آباد۔12فروری (اے پی پی)دری کارانی وزیر مخدوم شاہ محمود قریشیءَ مقبوضہ جموں ءُ کشمیر ءِ مفتی بشیر الدین ءِ بیرانی ءِ سرءَ گمءُ ڈُکھ ءِ درشانی کتگ۔ مفتی بشیر الدین ءَ دائم پہ کشمیری آنی وت واجہی ءُ آجوہیءِ توار چست کتگ۔ آئیءَ مفتی بشیر الدین ءِ درجگانی مزنی ءِ دعاکتگءُ پہ آئیءَ مفتی اعظم ناصر الاسلام ءَ نیکیں واہگانی درشانی کتگ۔ ایشی ءَ ابید دری کارانی کارگسءِ جارچین ءَ ہم مقبوضہ جموں ءُ کشمیر ءِ مفتی بشیر الدین ءِ بیرانی ءِ سرءَ گمءُ ڈُکھءِ درشانی کتگءُ گشتگ کہ مفتی بشیرالدین ءَ پہ کشمیرءِ مردمانی حکانی ھاترءَ توار چست کتگ۔ سے شمبے ءِ روچءَ وتی یک ٹویٹ ءِ تہا جارچین ءَ مفتی بشیرالدین ءِ بیرانیءِ سرءَ گمءُ ڈُکھءِ درشانی کتگءُ گشتگ کہ مفتی بشیر الدین ءَ پہ کشمیری آنی وت واجہی ءُ آجوہی ءِ منوک بوتگ ءُ پہ آہاں توار چست کتگ۔ آئیءَ مفتی اعظم بشیر الدینءِ مزنیں درجگانی دعا لوٹ اِتگ۔
