کراچی ۔ 12 فروری (اے پی پی) باز راجی میری ٹائم ایکسرسائز ’’ایمن 2019‘‘ گڈ بوت۔ صدر مملکت ڈاکٹر عارف علوی ، سر وزیر سندھ مراد علی شاہ ، وزیر دیمپانی پرویز خٹک ، وزیر دیمپانی پیداوار زبیدہ جلال ، چیئرمین جوائنٹ چیفس آفس سٹاف کمیٹی جنرل زبیر محمود حیات ءُُ سئیں سروسز چیفس ، سفیر ، دیمپانی ءُُ زرّئی اتاشی ءُُ ایندگر آں زرّئی جہاز ءُُ میاں اوستمانی زرّئی میل آنی چار ءُُ تپاس کت۔ ایمن ایکسرسائز آنی تہ ءَ 46ملک آنی ’’مندوبین‘‘ آں وتی زرّئی اتاشی آں ھوار جہاز ، ہیلی کاپٹر آنی ھمراھی ءَ ایمن 2019 ءِ تہ ءَ شریک بوت اَنت، ایکسرسائز آنی بن گپ ’’ ایمنی ءِ ھاترا یک مشت‘‘ ات۔ پاک بحریہ ءِ سروک ایڈمرل ظفر محمود عباسی ءُُ نیوی ءِ ایندگر کارندہ آں صدر مملکت ڈاکٹر عارف علوی ءَ پاک بحریہ ءِ آپی جہاز ءِ کمک ءَ وش اتک کت۔ ھاسیں کمکار ءَ آپریشنل ایکسرسائز آنی تہ ءَ زرئی جہاز آنی سر ءَ وتی نشانگ ءَ را پر دارگ ، تیر گواری، جہاز آنی نیام ءَ برجائی ءِ کار ءِ تہ ءَ گیشی ءَ ھوار ایندگر کار آنی سرءَ چار ءُُ بچار کت۔ اے موہ ءِ سر ءَ پاک بحریہ ءِ جہاز ءُُ ہیلی کاپٹر آنی وسیلگ ءَ جوانیں فلائی پاسٹ کنگ بوت۔ صدر ءِ مملکت ءَ اے ایکسرسائز آناں ساڑات ءُُ گوشت کہ “ایمن 19 “ایکسرسائز توامیں سٹیک ہولڈرز ءِ یکجائی کوشست آنی وسیلگ ءَ پڑ ءِ ایمنی ءُُ رکھینگ پجارین ایت۔ آئی ءَ دمگی زرئی بیم آں گوں گر ءُُ چیل بوھگ ءِ واستہ سٹریٹجک کمک ءِ ضلورت ءِ سر ءَ زور پر دات ءُُ پڑ ءِ رکھینگ ، سیکورٹی ءُُ برجائی ءَ را دلبڈی کت۔ ایمن 19ایکسرسائز ءِ گڈ دومی بھر ءِ تہ ءَ بوت، دکہ ھشتمی8تاں دھ 10فروری وھدیکہ زرّئی بھر 11تاں 12فروری ءِ ساھت ءَ بوت۔ دکہ ءِ بھر ءَ میاں اوستمانی میری ٹائم کانفرنس ، میری ٹائم کا ؤنٹر ٹیررزم ڈیمانٹریشن ،کلچرل شو ءُُ فوڈ گالہ ءِ مراگش کنگ بوت، وھدیکہ زرّئی بھر ءَ آپریشنل پلان ءِ پد ءُُ رند ءُُ ایندگر چست ءُُ ایر ھوار اتنت۔ دکہ ءِ بھر ءَ میاں اوستمانی میل آنی سر ءَ چار ءُُ تپاس زورگ ءِ ساھت ءَ چست ءُُ ایر آناں سرجمیں رنگ دیگ بوت۔ پاک اُرد ءِ سروک جنرل قمر جاوید باجوہ ءَ گوں سری لنکا ءُُ زمبابوے ءِ ھمکار ءَ گوں گند ءُُ نند کت۔
