اسلام آباد ۔ 12 فروری (اے پی پی) مزن وزیر عمران خان ءَ گوشت کہ نوکیں پاکستان ءِ مول ءُُ مراد لس مردم ءِ زندمان ءَ را آسودگ کنگ اِنت، مشکلیں جاور الم انت بلے ملک ءِ آیوکیں باندات روژنا اِنت، ریل لس مردم ءِ سفر ءِ سستائیں وسیلگ اِنت، ایشی ءِ دیمروئی مئے ترجی اِنت، ریل ءِ نظام ءَ را گیر ملکی شریکداری ءِ وسیلگ ءَ دیم ءَ جنزین آں۔ درزی ءُُ کرپشن ءِ سبب ءَ ملکی وام دھ سال آنی تہ ءَ 6ہزار ارب کلدار ءَ چہ گیش بوھان ءَ 30ہزار ارب کلدار ءَ تاں سر بوتگ اَنت، این آر او ءَ مردم آنی نیام ءَ کیاسگری ءِ ترس ھلاس کتگ، ریلوے ڈیپارٹمنٹ ءَ دزئی ءِ توامیں کیس نیب ءَ روان دیگ بہ بنت۔ آ سئے شمبے ءَ پاکستان ریلوے لائیو ٹیکنگ سسٹم ءُُ تھل ایکسپریس ءِ بنگیجی مراگش ءَ گوں گشتانک دیان ءَ کت۔ مزن وزیر ءَ گوشت کہ ما ھما نوکیں پاکستان ءِ گپ ءَ کنگ ءَ آں ایشی ءِ تہ ءَ لس مردم ءِ زندمان ءَ را آسودگ جوڑ کنگ بوھگ ءَ انت، ٹرین لس مردم ءِ آسراتی ءِ واستہ اِنت، مارا اے چارگی اِنت گوستگیں وھد ءَ ترجی چے بوتگ اَنت ءُُ لس مردم ءِ سفر ءَ را آسانیں وسیلگ ریل ءِ سر ءَ دلگوشی دیگ بوت، ادا سیر لاپ آنی واستہ آسراتی پیداک کنگ بوتگ بلے وھد ءِ ما نوکیں پاکستان ءِ گپ ءَ کناں گڈا مئے دُرستیں سسا مٹ بنت کہ لس مردم آناں چوں سیت رس ایت ءُُ چے وڑ آواناں چہ مشکل آں چہ در کنگ بیت۔ آئی ءَ گوشت کہ ما ٹرانسپورٹ ءِ اے نظام ءَ را دیمروئی دیاں، نوں مارا کساس شش ماہ بیت، مئے کوشت بیت کہ ما وتی ٹرین ءِ نظام ءَ را دیم ءَ جنزین آں، اے رد ءَ ڈنی سرمایہ کاری ءِ گامگی یکجاھ باں ءُُ کار کناں۔ مزن وزیر ءَ گوشت کہ ریلوے ءِ درستاں چہ شرتریں نظام چین ءَ انت، پیسر ءَ سی پیک یک سڑکے ءِ نام بوتگ، ما ایشرا سرجمیں شریکداری ءِ تہ ءَ مٹ بوھگ ءَ اِنت ایشی ءِ تہ ءَ کشت ءُُ کشاری ءَ کمک ءُُ ٹیکنالوجی ءِ سر ءَ کنگ ءَ ھوار ھمک شوبگ ءَ کمک ءَ را دیمروئی دیگ بیت ایشی ءَ چہ ملک ءِ معاشی جاور گہتر بنت ءُُ ڈن ءَ روان دیگ ءِ تہ ءَ گیشی بیت۔ آئی ءَ گوشت کہ چین ءَ چہ ریلوے ءِ نظام ایم ایل ون ءِ دیمروئی ءَ کمک زورگ بیت ایشی ءَ چہ ٹرانسپورٹ ءِ توامیں نظام گہتر بیت۔ کراچی ءَ چہ پشاور ءِ سفر ھشت کلاک بیت ءُُ لس مردم آنی واستہ آسانی پیداک بیت۔ مزن وزیر ءَ بنجاھی وزیر ریلوے شیخ رشید احمد ءِ ریلوے ءِ دیمروئی ءِ واستہ کوشت آناں ساڑات ءُُ گوشت کہ اے شوبگ ءِ تہ ءَ گیش ھرچ ءُُ درچ کم کنگ ءِ ضلورت اِنت۔ مزن وزیر گس ءِ ھرچ ءُُ درچ 30درسد کم کنگ بوتگ، اے رد ءَ یک آڈیٹر ءِ زمہ ورای جنگ بوتگ کہ ھمک رنگ ءِ ھرچ ءُُ درچ آنی تہءَ کمکی کنگ بہ بیت، مرچی ما چاہ ءُُ بسکوٹ ءَ ابید اِچ رنگیں دگہ چیز کس ءَ نہ دیاں چیا کہ ملک ءِ بڈ ءَ وام است، ھرچ ءُُ درچ آنی تہءَ کمی ءِ بابت ءَ توامیں وزارت آناں پنت ءُُ شون کتگ کہ آ کم چہ کم دھ درسد 10درسد کمی بکن اَنت۔ مزن وزیر ءَ گوشت کہ آ ریلوے ءِ شوبگ ءَ دیمروئی ءُُ لس مردم ءِ آسراتی ءِ واستہ گامگیج کنگ ءِ پد ءَ شیخ رشید احمد ءَ را مبارک بات دنت۔ آئی ءَ را دل یکیم کنگ کہ انچو انچو ملک ءِ معاشی جاور ھال گیش گہتر بیت، ریلویز ءَ را بجٹ ءِ تہ ءَ کمک پجاری ءَ ھوار اے شوبگ ءِ تہ ءَ ڈنی سرمایہ کاری ءِ تہ ءَ ھوار کناں تانکہ لس مردم ءِ سفر ءِ تہءَ گیش آسانی ءُُ آسودگی پیداک بہ بیت۔ ایشی ءَ چہ پیسر مزن وزیر ءَ پاکستان ریلوے ٹریکنگ سسٹم ءُُ تھل ایکسپریس ءِ بنگیج کت۔ بنجاھی وزیر برائے ریلوے شیخ رشید احمد ءَ ریلوے ءِ شوبگ ءَ کردی ءُُ ٹریکنگ سسٹم ءِ ارزشت ءُُ مول ءُُ مراد ءَ ابید تھل ایکسپریس ءِ بابت ءَ ھم مزن وزیر ءَ را بریفنگ دات۔ اے موہ ءِ سر ءَ بنجاھی وزیر ، پارلیمنٹ ءِ باسک ءُُ ایندگر ٹوھیں ٹوھیں مردم ساڑی اتنت۔
