استیں حکومت ءِ نیمگ ءَ چہ ملک ءَ معاشی برجائی ءِ واستہ چست کتگیں گامگیج آنی جوانیں برور دیم ءَ پیداک اِنت، ڈنی کھاتہ آنی جوانیں جاور آنی تہ ءَ گہتری ھم مئے معاشی گامگیج ءِ کامیاتیں دلیل اِنت، مزن وزیر عمران خان ءِ ٹویٹ

اسلام آباد ۔ 12 فروری (اے پی پی) مزن وزیر عمران خان ءَ گوشت کہ استیں حکومت ءِ نیمگ ءَ ملک ءَ معاشی برجائی ءِ واستہ چست کتگیں گامگیج آنی جوانیں برورد دیم ءَ پیداک اَنت ایشانی سبب ءَ جنوری 2018 ءِ رد ءَ اے سال جنوری 2019 ءَ ڈن ءَ چہ آرگ ءِ کساس ءِ تہ ءَ کمی ءُُ ڈن ءَ روان دیگ ءِ تہ ءَ گیشی اِنت وھدیکہ تجارتی کمی ءَ تہ ءَ یک ارب ڈالڑ ءِ کمیگ بوتگ۔ سئے شمبے ءَ وتی ٹویٹ ءَ مزن وزیر ءَ گوشت کہ سروسز ٹریڈ ءِ کمی ھم 800ملین ڈالر کم بوتگ وھدیکہ جولائی 2018ءَ چہ جنوری 2019ءِ ساھت ءَ روان دیگ بوتگ زر ءِ روان دیگ ءِ تہ ءَ گوستگیں سال ءَ ھمے وھد ءُُ پاس ءِ رد ءَ 12.2درسد گیشی بوتگ۔ آئی ءَ گوشت کہ ڈنی کھاتہ آنی جاور ھال ءِ تہ ءَ مزنیں گہتری ھم مئے معاشی گامگیج آنی کامیاتی ءِ دلیل اِنت۔