اسلام آباد ۔ 12 فروری (اے پی پی) مزن وزیر عمران خان ءَ سی ڈی اے ءَ را آوکیں 10روچانی تہ بنجاہی بُن شہر ءِ تہ مزنیں ماڑیانی بُرزی ءِ ھوالہ چہ پالیسی ءِ جائزگ گرگ ءُُ ماڑیانی ڈیزائن ءِ منظوری ءِ کارءَ را سہل ءُُ ترند کنگ ءِ ھاترا یک ھپتگ ءِ تہ لاحہ عمل پیش کنگ ءِ کڈنی دیان ءَ گوشت کہ اسلام آباد ءِ گیش بیوکیں آباتی ءِ پیش نظر گرین ایریاز ءَ را رکھگ،معاشی ءُُ نندگ ءِ ضلورتءَ را پیلو کنگ ،ڈن ملکاں نشتگیں پاکستانیاں ھاسکر رئیل اسٹیٹ ءِ بیئپار ءِ موہ پھجارگ ءِ ھاترا الم انت۔آہاں اے گپ سئے شمبے ءَ بنجاہی بن شہر ءِ تہ مزنیں ماڑیانی اجازت دیگ ءِ ھوالہ چہ دیوان ءِ سروکی کنان ءَ کتگ ات۔دیوان ءِ تہ ھاسیں کمکار علی نواز اعوان،ھاسیں کمکار نعیم الحق ،سیکرٹری گوات بازی شاہ رخ نصرت ،چیئرمین سی ڈی اے عامر احمد علی ءُُ دگہ ساڑی اتنت۔دیوان ءِ تہ مزن وزیر ءَ را بنجاہی حکومت ءِ تہ مزنیں ماڑیانی جوڈ ءِ ھوالہ چہ اَستیں ضوابط ءُُ کانود ءِ سرا سرجمیں سرپدی داتگ۔
