کراچی۔ 12 فروری (اے پی پی) گورنرسندھ عمران اسماعیل ءَ گوشت کہ میری ٹائم ءِ پِڑ ءَ نوکتریں ٹیکنالوجی ءِ کارمرزی ارزشت دار انت پرچا کہ ایشی چہ نوکیں چیلنجانی گوں دیم دیگ ءِ ھوار ہمگرنچیں افسرءُُ عملہ ءِ صلاحیت ءَ ودکی بوھگ انت اے ھوالہ ءَ دوست ملکانی مندوبین دودیمی سیادی ءَ مھکمی ءِ تہ گیش گہبودی ءِ تہ ھاسیں کرد ادا کنگ بیت۔سئے شمبے ءَ جاڑی اعلامیہ ءِ ردا اے ھیالانی درشان آہاں نیدرلینڈ میری ٹائم ٹریڈمشن ءِ شرپ ءَ داتگیں وش اتکی مراگش ءَ گوں تران کنان ءَ گوشتگ ات۔اے موہ ءَ بنجاہی وزیر برائے دیمپانی پیداوار زبیدہ جلال،نیدرلینڈ ءِ سفیر Ms Ardi Stoios-Braken، پاک نیویءِ افسراں ءُُ دگہ مزن تکے مہمان ساڑی اتنت۔ گورنر سندھ عمران اسماعیل ءَ گوشت کہ ملکی تبک ءِ سرا ڈلانی مٹ ءُُ سٹ چہ دودیمی سیادیاں گیش شریں ءُُ گہتری آرگ بیت۔ گورنر سندھ ءَ ناشرکاری ءِ ھلاپ ءَ جنگ ءُُ میاں اوستمانی ایمنی ءِ دارگ ءِ تہ پاکستان ءِ کرد ،سی پیک منصوبگ ءُُ سوگو ءِ معیشت ءِ ہڈ دیگ ءِ ھاترا اَستیں حکومت ءِ گامگیجانی باروا گپ جنان ءَ گوشت کہ پاکستان یک پاداتگیں معیشت انت،اُودا میری ٹائم ،فشریزءُُ دگہ تک ءَ زرکاری ءِ مزنیں موہ ساڑی انت۔آہاں گوشت کہ پاکستان ءِ تیاب دپ ءِ سرا سیاحتی مکسد ءِ ھاترا زرکاری کنگ بہ بیت۔ گورنرءَ گوشت کہ اَستیں حکومت ءَ پاکستان ءِ تہ ڈنی زرکاری ءَ را گیش کنگ ءِ ھاترا ویزہ پالیسی ءِ تہ بدلی کنان ءَ 89ملکاں را پاکستان ءِ تہ ویزہ فری انٹری داتگ وھدیکہ دگہ ملکاں را ھم دھ روچانی تہ ویزہ ءِ جاڑی کنگ ممکن جوڈ کنگ بوھگ انت۔ گورنر سندھءَ گوشت کہ مروچیگیں نوکیں پاکستان گیش محفوظ ءُُ معاشی وڈ ءَ مھکم انت، امن ءُُ ایمنی ،درملکی زرکاری ءَ ھوار چاگردی ،معاشی،اقتصادی ءُُ لیبانی کارانی تہ ودکی بوھگ انت۔آہاں گوشت کہ کراچی ءِ تہ امن ءُُ ایمنی ءِ ھاترا رینجرز،پولیس ءُُ کانود برجاہ داروکیں ادارگہاں مستریں قربانی داتگ ات۔آہاں گوشت کہ چین پاکستان اقتصادی راہداری منصوبگءِ سرجمی چہ پاکستان ءِ تہ وشھالی ءِ نوکیں دورءِ بنگیجی بیت۔منصوبگ ءِ تہ گوادر ءُُ کراچی ءَ را میاں اوستمانی بیئپار ءَ را بنجاہی ارزشت حاصل بیت، سی پیک منصوبگ پاکستانی معیشت ءِ تہ گیم چینجر ءِ ارزشت دار انت۔اے منصوبگ چہ میاں اوستمانی تبک ءِ سرا پاکستان ءِ شریں امیج برز بوھگ انت، منصوبگ ءِ سرجمی چہ ترندیں معاشی دیمروئی سدکی بیت۔آہاں گوشت کہ نیدرلینڈ پاکستان ءِ باز نزیکیں دوست انت۔ نیدرلینڈ ءِ سفیر ءَ گوشت کہ ڈچ حکومت وت مہ وتی بیئپار ءُُ زرکاری ءَ را پراھی دیگ ءِ واھگدار انت۔آہاں گوشت کہ کراچی ءُُ گوادر پورٹس ءِ گہتری ءِ ھاترا ڈچ پروڈکٹس ءِ پھجارگ ءِ تہ ھم دلچسپی ءِ درشان کتگ۔
