وزارت قومی جان جوڑی بنجائی دارالحکومت اٹی پُربھرم ءُ نیال خلنگ نا فیصلہ کرینے، بنائی مرحلہ ٹی اسلام آباد اٹی 1000 پُربھرم ءُ نیال خلنگک
اسلام آباد۔ 12 فروری (اے پی پی) وزارت قومی جان جوڑی بنجائی دارالحکومت اٹی پُربھرم ءُ نیال خلنگ نا فیصلہ ءِ کرینے بنائی مرحلہ ٹی اسلام آباد اٹی 1000 پُربھرم ءُ نیال خلنگک۔ داہیت ءِ بنجائی وزیر جان جوڑی عامر محمود کیانی سے شنبے نادے آ فضل الحق روڈ انا گرین بیلٹ آ پُربھرم ءُ نیال خلنگ نا ڈٹ انا بناءِ کرسا پارے۔ اوپارے کہ پُربھرم ءُ نیال فضل الحق روڈ انا گرین بیلٹ آ خلنگک۔ وزارت جان جوڑی و ہندی آبادی نیال آتا خیال ءِ کننگ نا زموار مریرہ۔ داشجر کاری مہم اٹی جامن ، شفتالو ، امرود ، لوکاٹ ، سنٹروزہ، چکو نا نیال خلنگک۔ عامر محمود کیانی پارے کہ پُربھرم شجرکاری وزیراعظم نا بلین ٹری سونامی ڈٹ انا بشخ اسے۔ اوپارے کہ ایلو مرحلہ ٹی پین جاگہ غاتیا پُربھرم ءُ نیال خلنگک شجر کاری مہم نا مسخت گلوبل وارمنگ تون مقابلہ کننگ نا ءِ و مچ آ پاکستان ءِ سرسوز شاداب کننگ نا ءِ ۔ اوپارے کہ 10 ارب درخت خلنگ نا مہم آن بروک آ چین ءِ چاگڑدی کچٹی آن بچفنگ مریک۔ سرسوز و شاداب پاکستان وزیراعظم پاکستان عمران خان نا عزم ءِ۔ وزیر جان جوڑی پارے کہ درخت خلنگ سنت و صدقہ جاریہ ءِ درخت موسمی بدلی و ودوک آ کچٹی ءِ توننگ اٹ جوان ءُ کڑد اس ادا کننگ ءُ۔ وزیر جان جوڑی الس آ زور شاغا کہ ملک ءِ سرسوز و شاداب جوڑ کننگ کن کلین اینڈ گرین پاکستان مہم ءِ سرسہب کیر۔
