اسلام آباد۔11فروری (اے پی پی ) مزن وزیر ءِ بیپاری صلہ کار عبدالرزاق داود ءِ پریس کانفرنسءَ گوں تران کتگءُ گشتگ کہ حکومتءِ جوانیں پالیسی ءَ چہ معیشت گہتری ءِ نیمگءَ رہادگ اِنت، برآمدات گیش بوتگءُ در آمدات ءَ کمی بوتگ، حکومت ءِ گامگیجاں چہ بیپاری نقصان 2ارب ڈالرءَ چہ 19ارب 20کروڑ ڈالر بوتگ اَنت، کلدارءِ کمی آؤکیں 5ماہاں پائدگ دیما کا اَنت، فرنس آئل ءِ درآمد ءِ سرءَ سرجمیں بندش اِنت، ریگولیٹری ڈیوٹی جنگءِ پائدگ بوتگ، مے پالیسی گہتر اِنت ۔ دوشمبے ءِ روچءَ پریس کانفرنسءَ گوں گپءُ تران کنانءَ آئیءَ گشتگ کہ جوانیں پالیسی ءَ چہ معیشت گہتری ءِ نیمگءَ رہادگ اِنت، برآمدات گیش بوتگءُ در آمدات ءَ کمی بوتگ، حکومت ءِ گامگیجاں چہ بیپاری نقصان 2ارب ڈالرءَ چہ 19ارب 20کروڑ ڈالر بوتگ اَنت، کلدارءِ کمی آؤکیں 5ماہاں پائدگ دیما کا اَنت۔ آئیءَ گشتگ کہ گوستگیں مالی سالءِ اولی 7ماہاں 34.26 ارب ڈالرءِ درآمدات بوتگ وہدے کہ مالی سال ءِ اولی 7ماہاں درآمدات 32.54 ارب ڈالربوتگ اَنت۔ آئیءَ گشتگ کہ گوستگیں مالی سالءِ اولی 7ماہاں بیپاری خسارہ 21.3 ارب ڈالربوتگ اَنت، گوازوکیں مالی سال ءِ اولی 7ماہاں بیپاری خسارہ 19.2 ارب ڈالراَنت، گوستگیں سال ءَ چہ برآمدات ءَ 2.46درسد گیشی بوتگ ءُ گوازوکیں سال برآمدات 7ماہاں 13ارب ڈالر ءَ چہ گیش بوتگ اَنت۔ عبدالرزاق داؤد ءَ گشتگ کہ برآمدات ءَ تنا 4درسد گیشی بوتگ۔
