اسلام آباد ۔ 11 فروری (اے پی پی)پاک بحریہءِ کثیر القومی میری ٹائم ایکسرسائز ایمنی 2019ءِ ردا میاں اوستمانی میری ٹائم کانفرنس ءِ سیمی روچ ءَ گڈی سیشن دوشمبے ءَ برجم دارگ بوتگ،کانفرنس ءِ ھاسیں مہمان بنجاہی وزیر پرویز خٹک ات۔ربالکار پاک بحریہ ءِ گوشگ ءِ ردا مراگش ءِ ساعت ءَ چیف آف آرمی سٹاف ایڈمرل ظفرمحمود عباسی ھم ساڑی اتنت۔کانفرنس ءِ تہ 46 ملکانی فورساں بھرزوری کتگ۔ بنجاہی وزیر پرویز خٹک ءَ گوشت کہ اَستیں میری ٹائم ھطرات ءُُ برزبیوکیں جاورھال خطہ ءِ اسٹیک ہولڈرانی ھاترا نوکیں چیلنجانی سبب انت۔آہاں گوشت کہ سی پیک چہ سرجمیں خطہ ءِ معاشی دیمروئی ءِ ھاترا الم انت۔پاکستان ءِ میری ٹائم سیکٹر ءَ گوں ھوار پاک بحریہ ءِ صلاحیتاں را گیش کنگ ءِ ھاترا حکومت سرجم کمک کن ایت۔ میری ٹائم سیکٹر ءِ سرپدی دیما آرگ ءِ ھاترا دیمپانی وزیر ءَ پاکستان نیوی ءُُ نیشنل انسٹی ٹیوٹ آف میری ٹائم افیئرز ءِ کوشستاں را ساڑاتگ
