ڈیووس۔ 18جنوری ( اے پی پی) چیف ایگزیکٹو آفیسر پراکٹر اینڈ گیمبل ڈیوڈ ٹیلر ئَ چار شمبے ئَ پاکستان ئَ سرمایہ کاری ئِ ھاتر ئَ ساز گار چاگرد ئَ سہڑائینگ ئَ گشتگ انت کہ پاکستان ئَ معاشی شر تری ئِ کریڈٹ ھستیں حکومتئَ رت۔ آئی ئَ اے گپ میاں استمانی اقتصادی فورم ئِ موہ ئَ مزن وزیر محمد نواز شریف ئَ گند ئُُ نند ئِ وھد ئَ کرتگ۔ چیف ایگزیکٹو آفیسر پراکٹر اینڈ گیمبل ڈیوڈ ٹیلر ئَ گشتگ کہ پاکستان گوست ئِ مقابلہ ئَ سرجمیں وڑ ئَ دِگہ ملک انت ئُُ آ درستیں دگنیا ئِ کار ئُُ باری طبقہ ئِ ھاتر ئَ یک پر کشش ھند انت۔ ڈیوڈ ٹیلر ئَ گشتگ کہ آ ملکی معیشت ئِ ھوالہ ئَ باز حقیقت پسند انت ئُُ آ ملک ئُُ کار ئُُ باری چاگرد ئِ شر تری ئِ ھاتر ئَ مزن وزیر نواز شریف ئِ ذاتی دلچسپی ئَ سہڑائینیت۔ آئی ئَ گشتگ کہ پاکستان ئَ کار ئُُ باری شعبہ ئِ ھاتر ئَ ساز گار چاگرد انت ئُُ میاں استمانی سرمایہ کار آنی ھاتر ئَ دِگہ پر کشش انت۔ آئی ئَ گشتگ کہ آئی ئِ کمپنی ھندی مہلوک ئِ ھاتر ئَ شر یں کوالٹی ئِ چیز دنت۔ آئی ئَ گشتگ کہ حکومت ئِ شریں رویہ ئَ سیل کنگ ئَ آئی ئِ کمپنی ملک ئَ وتی آپریشن ئَ دراجی دئیگ ئِ منصوبہ بندی کنگ ئَ انت۔
