ڈیووس۔ 18 جنوری (اے پی پی) مزن وزیر محمد نواز شریف ئَ گوشت کہ پاکستان بھارت ئِ گوما کوھنیں جیڈھ آنی گیواری کنگ ئِ واھشت ایگ اِنت، بھارت مقبوضہ کشمیر ئَ بنی آدم آنی ھک آنی لگت مالی ئِ ھلاپ ئَ اقوام ئِ متحدہ ئِ سلامتی کونسل ئِ منوگری ئِ وڑ ئَ بکنت۔ سوئٹزرلینڈ ئِ این ایس جی ئِ باسک بوھگ ئِ ھوالگ ئَ ساچ لائک ئِ توسیپ اَنت مارا اُمیت اِنت کہ این ایس جی ئِ ارزشتی ایں بھر بوھگ ئِ سبب ئَ سوئٹزرلینڈ وتی بُنگپ ئِ سر ئَ مھکمی ئَ بہ اوشتیت ، پاکستان ئِ سلامتی یک چک ئَ اوگانستان ئَ ایمنی ئِ برجائی ئَ گون بندوک اِنت۔ پاکستان اے رد ئَ اوگانی آنی گوما ایمنی ئِ برجائی ئَ جھد کنت ئُُ آسراتی پجارینگ ئَ دل یکیم اِنت۔ مزن وزیر محمد نواز شریف ئَ چار شمبے ئَ میاں اوستمانی اقتصادی فورم ئِ 47چیل ئُُ ھپتمی ھمک سال دیوان ئِ ساھت ئَ سوئس کنفیڈریشن ئِ صدر ڈورس لتھ بارڈ ئِ گوما گند ئُُ نند ئِ ساھت ئَ تران کُت۔ مزن وزیر اے روچاں سوئٹزرلینڈ ئَ میاں اوستمانی فورم ئَ بھر زورگ ئِ ھاترا ساڑی اِنت۔ آھودا آ میاں اوستمانی رھشون ئُُ دُگنیا ئِ کسنیں کارپوریٹ کمپنی آنی سربراھ آں گوں گند ئُُ نند ئُُ ایشاں پاکستان ئِ کامیاتی آں چہ سرپد کنگ ئَ اِنت۔ سوئٹزرلینڈ صدر ئِ گوما گند ئُُ نند ئِ ساھت ئَ پاکستان ئُُ سوئٹزرلینڈ ئِ وت مہ وتی کمک ئِ نوکیں کشک ئِ بابت ئَ تپاک کتگ۔ مزن وزیر محمد نواز شریف ئَ گند ئُُ نند ئِ ساھت ئَ گوشت کہ یکوئی ئَ را دلوشیں نگاھ آں چار ایت ۔ پاکستان بازین شوبگ آنی تہ ئَ سوئٹزرلینڈ ئِ گوما شریکی ئَ را ودینگ لوٹیت، سوئٹزرلینڈ پاکستان ئِ یک ھمبل ئُُ یک تجارتی ئُُ سرمایہ کاری سریکدار اِت۔
