ڈیووس۔ 18 جنوری (اے پی پی) مزن وزیر محمد نواز شریف ئَ گوشت کہ پاکستان در ملکی سرمایہ کار آنی ھاترا یک نوکیں ئُُ جوانیں کشک ئُُ منزل ئِ اِت ، اِدا سیکورٹی ئُُ جوانیں نپ ئُُ سیت پکارایگ اِنت۔ آ میاں اوستمانی اقتصادی فورم ئِ 47چیل ئُُ ھپتمی دیوان ئِ موہ ئَ سٹینڈرڈ چارٹرڈ بینک ئِ گروپ چیف ایگزیکٹو آفیسر جوزوینالز ئَ گوں گند ئُُ نند ئِ ساھت ئَ تران کنان ئَ ھیال آنی درشان کنان اَت۔ مزن وزیر ئَ گوشت کہ پاکستان ئَ ریکوری لائک ئِ توسپ اَنت ئُُ اے توامیں اقتصادی چیدگ جوان اَنت۔ سٹینڈرڈ چارٹرڈ بینک ئِ گروپ چیف ایگزیکٹو آفیسر جوزوینالز ئَ گوشت کہ پاکستان سٹینڈرڈ چارٹرڈ بینک ئِ ازرزشتی ایں بھر زوروک اَنت ئُُ چین پاکستان اقتصادی راہداری منصوبگ ئَ سٹینڈرڈ چارٹرڈبینک چینی بینک ئِ گوما کار کنگ ئَ اِنت۔ آئی ئَ گوشت کہ اے بینک کسان ئُُ نیامی کچ ئِ انٹرپرائزز آنی جوانتر کنگ ئِ ھاترا کار کنگ ئَ اَنت۔ آئی ئَ گوشت کہ پاکستان ئِ اقتصادی جاور آل جوانیں نیمگ ئَ روگ ئَ اَنت۔ آئی ئَ گوشت کہ ملک ئَ بازیں جوانیں مٹی اتکگ ئُُ سرمایہ کاری ئِ نکان گیش بوتگ اے لائک ئِ توسیپ اِنت، ملک ئِ شرپ آئی ایم ایف ئِ پروگرام ئِ کامیاتیں سرجمی ئَ جوانتر بوتگ۔
