اسلام آباد۔ 02جنوری (اے پی پی) پاکستان، اوغانستان و ایران اوغانستان آن ہفیم و منشیات نا سمگلنگ نا توننگ کن کمک و معلومداری تا تبادلہ نا عزم انا اعادہ ءِ کرینو۔ داہیت انا پڑو ءِ ہر مسٹ آ ملک آتا انسداد منشیات نا کمامدارآتا اِرادے ئی دیوان اٹ کننگا۔ اوغانستان اٹی ودی مروک آ ہفیم و منشیات نا اسمگلنگ نا توننگ کن پاکستان، اوغانستان و ایران نا انسداد منشیات نا ادارہ غاتا عہدیدار آتا اِرادے ئی دیوان داڑے اسلام آباد اٹی اڈ ہلک ہراٹی ہر مسٹ آ ملک آتا انسداد منشیات نا بڑزکو کمامدارآک ساڑی ئسر۔ سہ کڑدہ ہی دیوان ءِ اڈ تننگ اٹ اقوام متحدہ نا ادارہ انسداد منشیات و جرائم (یو این او ڈی سی) کمک کریسس۔ یو این او ڈی سی 2007ء ٹی ہر مسٹ آ ملک آتا نیام اٹ کمک و معلومداری نا تبادلہ نا دا میکنزم درستی راستی کرفیسس ہرانا بنداوی مسخت اوغانستان آن ہفیم و ایلو منشیات نا اسمگلنگ نا توننگ ءِ۔ اسلام آباد اٹی مروک آ دیوان اٹی ہرمسٹ آملک آک منشیات نا اسمگلنگ نا توننگ کن معلومداری نا بروخت تبادلہ و کمکاری ءِ مون آ دننگ تون اوار اوار نفوذ پذیر سیم تیا بیک وخت کارروائی کننگ آہم امنا ظاہر کریر۔

متعلقہ مضامینمصنف کی طرف سے مزید