اسلام آباد۔ 01جنوری (اے پی پی) بنجائی وزیر امور کشمیر وگلگت بلتستان علی امین خان گنڈاپور پارینے کہ پوسکن آ سال گلگت بلتستان نا شونداری و شونہالی نا بابت بھاز اہم جوڑ مریک، پوسکن آسال اٹی گلگت بلتستان اٹی ارب آ روپئی نا پیشن نا زرکاری نا روشناءُ گمان ساڑی ارے۔ اوداہیت ءِ گلگت بلتستان کونسل نا باسک اشرف صدا تون ہیت وگپ کرسا پارے ہرا اسلام آباد اٹی بنجائی وزیر امور کشمیر تون اوڑدہی کرے۔ اوڑدہی ٹی گلگت بلتستان نا جم اٹنگا سیکورٹی حالیت و شونداری ڈٹ آتا بابت گپ و تران کننگا۔ بنجائی وزیر پارے کہ گلگت بلتستان اٹی سیل وسوات، معدنیات و پن بجلی نا بشخ آتے ٹی بے پناہ لائخی ساڑی ارے و دا بشخ آتے ٹی شونداری گلگت بلتستان نا دیر پا شونہالی ٹی بھاز اہم ثابت مننگ کیک۔
