اسلام آباد۔ 27 اکتوبر (اے پی پی) انسانی حقانی بنجاہی وزیر ڈاکٹر شیریں مزاری ءَ گوشت کہ زوربرتگیں کشمیر ءِ بے ڈوھیں کشمیری مہلوک ءَ گوں یکجہتی ءِ درشان ءُُ بھارت ءِ زلم ءُُ زوراکی ءُُ ریاستی ناشرکاری ءِ ھلاپ ءَ مروچی سرجمیں ملک ءَ یوم سیاھ ءَ دارگ بوھگ انت، پاکستان ءِ حکومت ءُُ سرجمیں راج کشمیری مہلوک ءَ گوں پجی ءَ اوشتاتگ انت ءُُ مہ اے جیڈھ ءِ باروا سرجمیں دگنیا ءَ ہر فورم ءِ تہ چست کن ایں ءُُ بھارت ءِ مکروہءِ دیم بے نقاب کنیں۔ھپتگ ءَ وتی یک کلوھ ءَ آہاں گوشت کہ سرجمیں پاکستانی راج وتی کشمیری گہار ءُُُ براتاں گوں ھواری اوشتاتگ انت۔آہاں گوشت کہ زوربرتگیں کشمیر ءِ تہ بھارت ءِ نیمگا چہ بے ڈوھیں کشمیری زھگاں،پیروک،جنیناںءُُ ورناہاں را زلم ءُُ زوراکی ءِ نشان جوڈ کنگ انت ءُُ ریاستی ناشرکاری ءِ شکار کتگ انت مہ اے لگوریں کارانی ایراد جنگ اوں ءُُ سرجمیں دگنیا ءَ را بھارتی زلمانی نوٹس زورگ بیت چیاکہ اے میاں اوستمانی کانود ءِ ھلاپ ورزی انت۔
