پشاور ءَ یک پرائیویٹ اسکول ءِ چھت ءِ کپگ ءَ چہ زھگانی بیرانی ءِ سر ءَ سینیٹ ءِ چیئرمین سید یوسف رضا گیلانی ءَ دلپدردی درشان

اسلام آباد۔15اکتوبر  (اے پی پی): پشاور ءِ دمگ دیر کالونی ءَ یک پرائیویٹ اسکول ءِ چھت ءِ کپگ ءَ بازیں زھگانی بیرانی ءِ سر ءَ سینیٹ ءِ چیئرمین سید یوسف رضا گیلانی ءَ دلپدردی ءُ رنج ءِ درشانی کتگ۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سید یوسف رضا گیلانی ءَ بیران بوتگیں زھگانی کھول ءِ گوما دلپدردی ءُ ھمدردی ءِ درشانی کتگ ءُ گوشت کہ بے گناہیں زھگانی بیرانی ءِ غمناکیں وئیل بے دروریں اپسوز ءِ گپ اِنت۔ آئی ءَ گوشت کہ اے وئیل ءِ سر ءَ غم ءُ اندوہ ءِ آماچیں ھاندان آنی غم ءُ رنج ءَ یک پیم ءَ شریک آں ۔ سید یوسف رضا گیلانی ءَ سیادی داروکیں واکداراں پنت ءُ شون کتگ کہ آ حادثہ ءَ ٹپی بوتگیں زھگاں جوانیں درمان ءِ آسراتی بہ دنت ءُ آھانی الاج ءِ تہ ءَ ھچ وڑیں کوشست ءُ کوشست ءَ مہ کش اَنت۔ چیئرمین سینیٹ ءَ گوشت کہ اے وڑیں بدبھتیں حادثہ آنی گر ءُ دار ءِ واستہ جوانیں گامگیج چست کنگ المی اِنت۔ تعلقداریں ادارگ وانگ ءُ زانگ ءِ ادارگ آنی ماڑی آنی ایمنی ءِ واستہ موثر حکمت عملی ءِ سرا عمل بہ کن انت دانکہ آیوکیں وھد ءَ اے وڑیں وئیل آناں چہ رکگ بہ بیت۔ آئی ءَ بیران بوتگیں زھگانی واستہ ھم مغفرت، غم ءِ آماچیں ھاندانانی واستہ صبر ءُ ٹپیگیں زھگانی واستہ زوتیں جان سلامتی ءِ دعا ھم کتگ۔\932