وانگ ءُُ زانگ‘ دود ءُُ ربیدگ ، سائنس‘ رسانکدر ءُُ اھوالکاری ءَ ھوار بنی آدمانی ھک ءِ ھوالگ ءَ جتا جتائیں شوبگ آنی سر ءَ ھیال ریچی
اسلام آباد ۔ 26 اکتوبر (اے پی پی) بُنجاھی وزیر برائے بنی آدمی ھک ڈاکٹرشیریں مزاری ءَ آدینگ ءِ روچ ءَ یونیسکو ءِ نماھندگ وائیبک جین سین ءَ ادا گند ءُُ نند کت۔ گند ءُُ نند ءِ ساھت ءَ آئی ءَ وت مہ وتی یکوئی ءِ رپک آنی سر ءَ ھیال ریچی کت۔ گند ءُُ نند ءِ ھاست ءَ وانگ ءُُ زانگ، دود ءُُ ربیدگ ، سائنس ، رسانک ءُُ اھوالکاری ءَ ھوار بنی آدم آنی ھک ءِ ھوالگ ءَ جتا جتائیں شوبگ آئی سر ءَ ھیال ریچی کنگ بوت۔ آئی ءَ دود ءُُ ربیدگ ءِ مڈی ءِ رکھینگ، گور آئی ھک، وانگ ءُُ زانگ ھاسیں رنگ ءَ ورنا آئی وانگ ءُُ زانگ ءُُ اھوالکار آنی کار ءِ سر ءَ ترندی ءَ گامگیج زورگ ءِ کار آناں سہرا کنگ بوت۔ گند ءُُ نند ءِ ساھت ءَ انوگیں وھد ءِ کانود جوڑ کنگ ءِ بابت ءَ ، حکومتی ترجی، بنی آدم آنی ھک، زالبول ، زھگ ءُُ گور آنی ھک آناں رکھینگ ءَ را دل یکیمی کنگ ءِ گامگیج آنی سرءَ ھیال ریچی کنگ بوت۔ یونیسکو ءِ نماھندگ آں گوں گپ ءُُ تران کنان ءَ بُنجاھی وزیر برائے بنی آدمی ھک ڈاکٹر شیریں مزاری ءَ گوشت کہ ما کانود ءِ پاکستان ءُُ اقوام ءِ متحدہ ءِ کنونشنز آنی سر ءَ کار کنان ءَ یک شل ءَ ھمک شہری آنی ھک آناں رکھینگ ءِ واستہ جزمیگ آں۔ آئی ءَ گوشت کہ نونیسکو ءِ نماھندگ آناں زالبول، زھگ ءُُ گور آنی ھک ءَ ھوار ھک آنی رکھینگ ءِ واستہ گامگیج آنی بابت ءَ سر پد کت۔ بُنجاھی وزیر ءَ گوشت کہ کشاں چیل ءَ را گر ءُُ دار کنگ ءِ ھاترا ءُُ دزگیری ءِ ساھت ءَ بیران بوھگ، مازوریں مرم آنی ھک ءِ بل ءُُ جسمانی سزا ءِ بندش ءِ بل زوت راجی اسمبلی ءَ پیش کنگ بیت۔ یونیسکو ءِ نماھندگ ءَ حکومت ھاسیں رنگ ءَ وزارت ءِ بنی آدمی ھک آنی دیمروئی ءُُ رکھینگ ءِ واستہ کوشست آناں ساڑات۔ بُنجاھی وزیر ءَ آئی ءَ را ایشی ءِ ھوالگ ءَ وتی سرجمیں کمک ءِ دلجمی دات۔
