اسلام آباد۔ 26اکتوبر (اے پی پی) وزیر خارجہ شاہ محمود قریشی چیئرمین سینیٹ صادق سنجرانی تون اوڑدہی کرے۔ دااوڑدہی جمعہ نا دے پارلیمنٹ ہاؤس اٹی چیئرمین سینیٹ نا چیمبر اٹی مس۔ اوڑدہی ٹی گوادر اٹی اڈ ہلوک آ ایشیائی پارلیمانی دیوان نا بابت خیال آتا درشانی ءِ کننگا۔ وزیر خارجہ شاہ محمود قریشی داوخت آہیت وگپ کرسا پارے کہ گوادر اٹی دیوان نا اڈتننگ سینیٹ نا کندآن اسہ گچین ءُ گام گیج اسے۔ اوپارے کہ ایشیا ء غان بیدس یورپ، افریقہ غان پارلیمان و جہانی تنظیم تا نمائندہ غاتا دیوان اٹی بشخ ہلنگ ستاکڑزک۔ چیئرمین سینیٹ صادق سنجرانی دیوان اکن کروک آ بست و بند و ڈل آتا بننگ نا بابت وزیر خارجہ ءِ معلومدار کرے۔ چیئرمین سینیٹ پارے کہ دا کانفرنس پاکستان کن بھاز بھلو سرسہبی اسے۔ اوپارے کہ پاکستان نا سافٹ امیج ءِ تالان کننگ کن پاکستان نا غٹ حلقہ و سیاسی سرکڑدہ غاک اسہ پنہ غاٹی ءُ۔ اوپارے کہ کانفرنس آن جہانی کہول آ پاکستان ءِ سرسہبی ملک۔
