کوئٹہ۔25اکتوبر(اے پی پی) وزیرمملکت برائے توکی کار شہر یار آفریدی ءُُ مزن وزیر ءِ ھاسیں کمکا برائے زر ءَ آدیم پاکستانی سید ذوالفقار عباس بخاری ءَ آئی جی ایف سی ساؤتھ بلوچستان ءِ سر ءَ ارش ءَ را مزمت کنان ءَ گوشت کہ ناشرکاری ءِ لگوریں ارش کانود ءَ را مھکم داروکیں ادارگ ءِ ورنا آنی دلبڑی آناں ڈگار ءَ دور دات نہ کن اَنت، بلوچستان ءَ ھوار سرجمیں ملک ءَ برجائی ءُُ ایمنی ءِ واستہ پاک اُرد، فرنیٹئرکور، پولیس ءُُ کانود ءَ را مھکم داروکیں ادارگ آنی بے دروریں کربانی لائک ءِ ستا اَنت، پاکستان ءِ دژمن آناں وتی روچ نوں ھساب کنگی انت، بیسیمہ اُرش ءَ شہید بوھوکیں ایف سی ءِ دو کارنہ آنی کربانی مُپت ءَ نہ روت ملکی دیمپانی ءِ واستہ سیکورٹی ادارگ آنی کربانی مپت ءَ نرونت، پاک ایران سیم سر ءِ سر ءَ استیں تفتان آیوکیں باندات ءَ ٹوھیں کاروباری بُنجاھ ءِ جوڑ بیت۔ اے ھیالانی درشانی آئی ءَ پنچ شمبے ءِ روچ ءَ کوئٹہ پریس کانفرس ءِ ساھت ءَ گشتانک دیان ءَ کت اَنت۔ اے موہ ءِ سر ءَ صوبائی وزیر جان سلامتی نصیب اللہ مری، صوبائی سیکرٹری توکی کار حیدر علی شکوہ، کمشنر رخشان ڈویژن نصیراحمد ناصر ءُُ ایندگہ مردم ساڑی اتنت۔ آئی ءَ گوشت کہ مزن وزیر عمران خان ءِ پنت ءُُ شون ءِ سر ءَ ایران ءُُ عراق ءَ رؤکیں زیارتی مردم آنی جیڈھ آنی گیواری ءِ واستہ تفتان ءُُ کوئٹہ ءِ تر ءُُ تاب کنا ءَ پاکستان گس تفتان ءَ زیارتی مردم آنی جیڈھ آنی گیوار ءُُ چار ءُُ تپاس گرگ ءُُ سیادی داروکیں کارندہ آناں پنت ءُُ شون جاڑی کتگ ءُُ اے رد ءَ ایف آئی اے، کسٹم ءُُ سیادی داروکیں توامیں ادارگ آناں ٹیمب ورک ءِ رنگ ءَ کار کنگ ءِ حکم داتگ چیا کہ گوستگیں سروک آں زیارت کنوکیں مردم آناں آسراتی نہ داتگ، ایران ءُُ عراق ءَ روکیں زیارتی مردم آناں سیکورٹی پُجاری ریاست ءِ زمہ واری اِنت ءُُ اے رد ءَ منی کسانوکیں دور ءُُ باریگ ءِ ساھت ءَ وزیر ءِ مملکت برائے توکی کار ءِ بستار ءَ بلوچستان ءِ سیمی تر ءُُ تاب انت۔ پاکستان تحریک ءِ انصاف ءِ حکومت ءَ دو ماھ ءِ کسانوکیں وھد ءَ زیارت کنوکیں مردم آناں ھما آسراتی داتگ اَنت کہ آ اے دو ر ءُُ باریگ ءَ دیگ نہ بوتگ اَنت، چیا کہ مزن وزیر عمران خان ءِ ویژن ءِ رد ءَ مدینہ ءِ اسلامی ریاست ءِ رنگ ءَ مردم آناں ھمکچیں آزاتی دیگ بیت، آھودا دُرستیں نیک راھی آزات اَنت۔ وزیرمملکت برائے توکی کار شہریا ر آفرید ی ءُُ مزن وزیراعظم ءِ ھاسیں کمکار برائے زر ءَ آدیم پاکستانی سید ذوالفقار عباس بخاری ءَ گوشت کہ گہتریں ٹیمب ورک ءِ نتیجگ ءَ ما پاکستان گس ءِ زیارت کنوک آناں توامیں آسراتی پُجارینگ ءَ کامیات بوتگ آں، کسانوکیں وھد ءُُ پاس ءِ تہ ءَ 44ہزار زیارت کنوک آں امیگریشن سسٹم ءِ وسیلگ ءَ تفتان بارڈر ءِ وسیلگ ءَ شرپ مندیں جاھ آنی زیارت کتگ۔
