اسلام آباد۔ 25 اکتوبر (اے پی پی) بُنجاھی کابینہ ءَ ھمک ماھ 300 ءَ چہ کم یونٹس کامرد کنوکیں لوگ ءُُ کشت ءُُ کشاری ٹیوب ویلز ءِ واستہ توان ءِ نیام ءَ را گیش ودینگ ءِ پیسلہ کنان ءَ توان ءِ کارمرد کنوکیں 30درسد کارمرد کنگ ءِ واستہ یک کلدار 27پیسہ یک یونٹ گیشی ءِ منظوری دات۔ بُنجاھی کابینہ ءَ نیب ءِ اپسرگ آنان کرپٹیں مردم آنی گرگ ءِ واستہ آفیشل پاسپورٹ ءِ بنگیج ، لیفٹیننٹ جنرل عبداللہ ڈوگر ءَ را چیئرمین ہیوی انڈسٹریز ٹیکسلا(ایچ آئی ٹی) جوڑ کنگ ءِ منظوری وھدیکہ وزیر ءِ وانگ ءُُ زانگ شفقت محمود ءِ بھرتی ءِ واستہ نیشنل ٹیسٹنگ سروس (این ٹی ایس) ءِ بالاد ءَ را گہتر جوڑ کنگ ءِ ٹاسک داتگ۔ پاکستان 2022 اولی پاکستانی مشن ءَ را بُرز ءَ آزمان ءَ روان دنت، مزن وزیر عمران خان ءِ دزبندی ءِ پد ءَ سعودی عرب ءَ پاکستانی آنی واستہ ویزہ فیس 2ہزار ریال ءَ چہ کم کتگ۔ بُنجاھی وزیر اھوالکاری ءُُ شنگ کاری چوہدری فواد حسین ، بُنجاھی وزیر ءِ ھزانگ اسد عمر ءُُ بُنجاھی وزیر پاور ڈویژن عمر ایوب ءَ پنچ شمبے ءِ روچ ءَ مزن وزیر ءِ سروکیءَ بُنجاھی کابینہ ءِ دیوان ءَ پد میڈیا ءَ را بریفنگ دات۔
