کوئٹہ۔ 25اکتوبر (اے پی پی) الیکشن کمیشن آف پاکستان بلوچستان اسمبلی نا حلقہ پی بی 47 کیچ تھری اٹی ضمنی گچین کاری نا شیڈول نا پڑو ءِ کرے۔ شیڈول نا رداٹ پندارکاغد آتے 31اکتوبر آن 2نومبر اسکان جمع کرفنگ مریک ، اومیت دار آتا بنائی فہرست ءِ 3نومبر آ آویزاں کننگک اومیت دار آتا کاغد آتا جانچ پڑتال 6نومبر آ مریک وخت اس کہ پندار کاغد آتا منظوری نا برخلاف اپیل آتے 9 نومبر اسکان داخل کرفنگ مریک پندارکاغد آتا برخلاف دائر اپیل آتیا فیصلہ ءِ 12نومبر اسکان بنفنگک و اومیت دار آک پندار کاغد آتے 14نومبر اسکان پدی ہلنگ کیرہ و گچین کاری 6دسمبر 2018 غا مریک۔ بلوچستان صوبائی اسمبلی نا دانشست بلوچستان عوامی پارٹی نا اومیت دارمیر عبدالرؤف رند انا نابود مننگ نا سوب خورک مسوسس۔
