اسلام آباد ۔ 24 اکتوبر (اے پی پی) وزیر ءِ درئی کار شاہ محمود قریشی ءَ گوشت کہ سعودی عرب ءَ پیکیج ءِ واستہ اِچ رنگیں شرط ایر نہ کتگ وھدیکہ پیکیج ءَ چہ بازیں سیاسی گل ابکہ بوتگ اَنت۔ یمن ءِ ھوالگ ءَ پاکستان ءِ بن گپ ءِ سر ءَ اچ رنگیں مٹی نہ اتکگ، اُرد روان دیگ نہ بیت، پی پی پی ءُُ مسلم لیگ ں ءَ دھ سال ءَ صوبگ ءُُ بُنجاھ ءِ سر ءَ حکومت کتگ بلے مے دو ماہ ءُُ نیم ءِ کرد ءِ سر ءَ لنکُک چست کنگ بوھگ ءَ انت۔ بھارتی حکومت ءَ اپوزیشن ءِ سر ءَ زور پر داتگ کہ 24ستمبر ءَ نیو یارک ءَ گند ءُُ نند ءِ ساھت ءَ جِھ ھِتگ اَنت۔ پاکستان بھارت ءِ گوما سول ءُُ تران ءَ چہ بِھ پشت ءَ نہ کنز اتگ، بھارت سول ءُُ تران آں مُدام مھتل کنت، توامیں پڑ نہ وشی ءِ آماچ اِنت۔ یمن ءِ بابت ءَ پاکستان ءِ بُن گپ ءِ تہ ءَ اچ رنگیں مٹی نہ اتکگ۔ اوگانستان ءَ ایمنی ءِ سیت توامیں دُگنیا ءَ تالان بنت۔ گوستگیں حکومت ءِ ن یمگ ءَ کتگیں سفارتی سیاسی اپوائنمنٹ آنی سر ءَ نوک سر چار ءُُ بچار کنگ ءَ آں۔ لستیں روچ آنی تہ ءَ پیسلہ کنگ بنت۔ چین ءِ گوما تجارت ءِ تہ ءَ گہتری آرگ ءِ ھاترا نوکیں ایف ٹی اے واستہ کوشست کنگ ءَ آں۔ اے ھیالانی درشانی اائی ءَ چار شمبے ءِ روچ ءَ درئی کارانی کارگس ءَ پریس کانفرنس ءِ ساھت ءَ کت۔ وزیر ءِ درئی کار ءَ پی ٹی آئی حکومت ءِ 64روچی کرد ءِ سر ءَ چار ءُُ تپاسی پیش کنگ ءَ گوشت کہ گوستگیں 64روچ ءَ 24ملک آنی وزیر ءِ درئی کار آں گوں گند ءُُ نند ءُُ ھیال ریچی کنگ بوتگ۔ آئی ءَ گوشت کہ گند ءُُ نند ءَ من پاکستان ءِ بُن گپ ءَ را سہرا کتگ۔ اقوام ءِ متحدہ ءِ جنرل اسمبلی ءِ دیوان ءِ موہ ءَ کشمیر ءِ ھوالگ ءَ او آئی سی رابطہ گروپ، سیکورٹی کونسل ءَ جوڑیشی کار ءِ ھوالگ ءَ ھم ھیالیں گروپ، در ملکی میڈیا، امریکی تھک ٹینکس، 9سینیٹرز آں گوں رابطوں ءُُ انوں زوتاں تاجکستان ءَ شنگھائی کمکی گل ءِ دیوان ءَ پاکستان ءِ سروکی ءُُ سعودی عرب ءِ گوما یکوئی آنی سر ءَ نوک سر چار ءُُ تپاس زورگ ءِ موہ رستگ۔ امریکی سیکرٹری درئی کار پومپیو اور وائٹ ہاوس ءِ سیکورٹی مشیر ءِ گوما گند ءُُ نند بوت۔ وزیر ءِ درئی کار ءَ امریکی کانگرس ءِ گوما مئے رابطہ اے رنگ ءِ نہ اَنت ، ھما رنگ کہ بوھگی اَنت۔ آئی ءَ گوشت کہ ہندوستانی امریکی کانگرس ءَ تاں سر بوتگ آں ءُُ آواں واھشت ھم سہرا کتگ۔ مارا ھم واھشت درشان کنگ ءِ ضلورت اِنت۔ آئی ءَ گوشت کہ مزن وزیر عمران خان ءَ را شنگھائی ایکسپو ءَ ھاسیں مہمان ءُُ گشتانکار آنی تہ ءَ ھوار کنگ بوتگ۔
