پشاور۔24 اکتوبر(اے پی پی)پاکستان مءَ امریکہ ءِ ادارکی سفیر پال جونز ءَ وتی تر ءُُ تاب پشاور ءِ ساھت ءَ خیبر پختونخواءِ گورنر شاہ فرمان ءُُ سر وزیر محمود خان ءَ گوں گند ءُُ نند کت۔ سفیر جونز ءَ صوبائی سروکی ءِ گوما گند ءُُ نند ءِ ساھت ءَ خیبر پختونخوا ءِ سیاسی،معاشی ءُُ سلامتی کار آں ھوار، نوکیں جوڑ بوتگیں قبائلی ضلع ءُُ جیڈھ آنی بابت ءَ ھیال ریچی کت۔ آئی ءَ صوبگ ءَ امریکی حکومت ءِ نیمگ ءَ جاڑیگیں منصوبگ آنی بابت ءَ ھم گپ ءُُ تران کت ءُُ دمگی وشھالی ءُُ سلامتی ءِ واستہ امریکہ ءِ جزم ءِ درشان کت۔ سفیر جونز ءَ یکجائی مول ءُُ مراد آنی دزگیر کنگ ءِ ھاترا امریکی حکومت ءِ نیگم ءَ حکومت ءِ پاکستان ءِ گوما یکجائی ءِ کار کنگ ءِ واھشت ءِ ھم درشان کت۔ اے موہ ءِ سر ءَ سفیر ءَ مہمان جلی ءِ توسیپ کت ءُُ لستیں دود ءُُ ربیدگی وردن ءُُ وراک ءُُ راجدپتری کوھنیں جاھ آنی تر ءُُ تاب ءِ واھشت درشان کت۔
