اسلام آباد ۔ 24 اکتوبر (اے پی پی) پاک فضائیہ ءِ سروک ائیر چیف مارشل مجاہد انور خان ءَ سعودی عرب ءِ سرکاری تر ءُُ تاب ءِ ساھت ءَ چارشمبے ءَ سعودی وزارت ءِ دیمپانی ءِ تر ءُُ تاب کت۔ ترجمان پاک فضائیہ ءِ رد ءَ ائیر چیف ءَ سعودی عرب ءِ اسسٹنٹ وزیر ءِ دیمپانی محمد بن عبداللہ العیش ءَ گوں گند ءُُ نند کت۔ ائیر چیف ءَ پاکستانی الس ءُُ حکومت ءِ نیمگ ءَ وش اتکی کلوہ دیان ءَ سعودی سروکی ءِ پاکستان ءُُ ایشی ءِ دیمپانی اُرد ءِ شگر ءُُ منت گپت۔ دوئیں شرپ مندیں سروک ااں دیمپانی ءُ سیکورٹی کمک، دمگی برجائی ءُُ دوئیں مملک آنی نیام ءَ ءُُ دوئیں بالی اُرد آنی نیام ءَ ھایں یکوئی ءَ را گیش دیمروئی دیگ ءِ کار رپک ءِ سر ءَ گپ ءُُ تران کت۔ ایشی ءَ چہ پیسر پاک فضائیہ ءِ سروک ءَ جنرل (سٹاف )فیاد بن حامد بن رغاد الروالی چیف آف جنرل سٹاف، سعودی عرب آرمڈ فورسز ءِ کارگس ءَ گند ءُُ نند کت۔
