ایوان ءَ مزن وزیر ءَ مزن شاہ دربر جاھ ءِ چارٹر ءِ مسل آنی سر ءَ چار ءُُ تپاسی کمیٹی، وائس چانسلر ءِ گچین ءِ واستہ سرچ کمیٹی ءِ جوڑ کنگ ءُُ اولی بھر ءَ انسٹیٹیوٹ آف ایڈوانس اسٹڈیز ءِ جوڑیشت ءِ منظوری
اسلام آباد ۔ 24 اکتوبر (اے پی پی) ایوان ءِ مزن وزیر ءَ مزن شاہ دربرجاھ ءِ چارٹر ءِ مسل آنی سر ءَ چار ءُُ تپاسی کمیٹی، وائس چانسلر ءِ گچین کنگ ءِ واستہ سرچ کمیٹی ءِ جوڑیشت ءُُ اولی بھر ءَ انسٹیٹیوٹ آف ایڈوانس اسٹڈیز ءِ برجائی ءِ منظوری دیگ بوت وھدیکہ یونیورسٹی ڈیزائن ءُُ آپریشنل جیڈھ آنی واستہ چیئرمین ہائر ایجوکیشن کمیشن ءِ سروکی ءَ کمیٹی ءِ برجائی ءِ پیسلہ کنگ بوت۔ چار شمبے ءِ روچ ءَ مزن وزیر عمران خان ءِ سروکی ءَ پرائم منسٹر ہاؤس ءَ یونیورسٹی جوڑی کنگ ءِ رد ءَ چار ءُُ بچار ی دیوان ءِ برجم دارگ بوت دیوان ءَ مزن وزیر برائے بُنجاھی وانگ ءُُ زانگ ءُُ راجی مڈی شفقت محمود، چیئرمین ہائر ایجوکیشن کمیشن طارق بنوری ءُُ ایچ ایس سی ءِ اپسرگ ھم ھوار اتنت۔ دیوان ءَ استیں یونیورسٹی ءِ چارٹر ءِ مسل آنی سر ءَ چار ءُُ بچار کنگ ءِ واستہ کمیٹی ءِ جوڑیشت ءِ منظوری ءُُ یونیورسٹی ءِ وائس چانسلر ءِ گچین کنگ ءِ واستہ وزیر ءِ وانگ ءُُ زانگ ءِ سروکی ءَ سرچ کمیٹی ءِ جوڑ کنگ ءِ ھم منظوری دیگ بوت۔ دیوان ءِ سروکی یونیورسٹی ءِ ڈیزائن ءُُ آپریشنل جیڈھ آنی واستہ چیئرمین ہائرایجوکیشن کمیشن ءِ سروکی ءَ کمیٹی ءِ جوڑیشت ءِ پیسلہ کنگ بوت۔ نوکیں وانگ ءُُ زانگی ادارگ آنی تہ ءَ گوزوکیں سال دسمبر ءَ ’’پاکستان ءُُ پڑ ے لھڈ بوھوکیں چیلنجز‘‘ ءِ بُن گپ ءِ سر ءَ کانفرنس ءِ بنگیج کنگ بیت۔ یونیورسٹی جوڑ کنگ ءِ اولی بھر ءَ انسٹیٹیوٹ آف ایڈوانس سٹڈیز (آئی اے ایس) ءِ جوڑ کنگ ءِ منظوری دیگ بوت۔ دیوان ءَ پیسلہ کنگ بوت کہ آئی اے ایس ءِ برجائی ءَ چہ یک شل ءَ وانگ ءُُ زانگی چست ءُُ ایر آنی بنگیج بیت۔
