ھرکس ھرچی کنت کنگ بہ کنت کیساس الم بیت، گوشاں پچ کن اِت گوشدار اِت اِچ کس ءَ را این آر نہ رس ایت، مزن وزیر عمران خان
سعودی عرب ءَ چہ جوانیں پیکیج ءِ رستگ، گیش دوستیں ملک آں گوں گپ ءُ پ تران بوھگ ءَ اِنت، راج ءَ را گیش وشیں ھال دیاں، سرمایہ کاری، شنگ ءُُ تالان ءُ برآمدی چیز آنی تہ ءَ گیشی ءِ واستہ جوانیں گامگیج چست کنگ ءَ آں، گریب ءُُ ھمزوریں تبک ءِ مردم آنی گہبود ءِ واستہ ھاسیں پیکیج ءِ جار جنگ بیت، پاکستان زوت وام ءِ مٹ ءَ وام دیوکیں ملک آنی لڈ ءَ ھوار بیت، یمن ءَ جنگ ءِ سبب ءَ سرجمیں مسلمانیں ملک آنی تہ ءَ نہ وشی اِنت، ما دواسلامی ملک آنی تہ ءَ گیش ءُُ گیوار کنگ ءِ کوشست ءَ کنگ ءَ آں
اسلام آباد ۔ 24 اکتوبر (اے پی پی) مزن وزیر عمران خان ءَ کرپشن ءِ ھلاسی ءُُ لُچ ءُُ دُزیں مردم آنی گرپت ءُُ کیساس کنگ ءِ جزم ءِ درشان ءَ کنان ءَ گوشت کہ ھر کس ھرچی کنگ بہ کنت کیاس الم بیت، گوشاں پچ کن اِت ءُُ گوشدار ات این اار او نہ بیت، بازیں گل کیاس ءِ کار ءَ را دارگ ءِ ھاترا زور پر دیگ ءَ انت، دُرستین پڑائیں مردم آناں گرپت کناں، الس ءَ گوں کتگیں سوگند ءَ پیلو کناں پڑائیں مردم آناں جیل ءَ روان دیاں، کرپشن ءَ برداشت کنگ ءِ مُز سرجمیں الس ءَ را دیگ کپ ایت، راج اچ پگر مہ کنت، کمو دیمراں پد مشکل آں گوں دیم پہ دیم باں، پاکستان ءَ را کرپشن ءِ کینسر کنگ بوتگ، ما اے کرپشن ءِ کینسر ءَ را بُن گوج کناں، کرپشن ءِ ھلاسی ءَ چہ ملک ءَ ترندی ءَ دیمروئی کئیت۔ سعودی عرب ءَ گوں جوانیں پیکج رسگ ءَ انت۔ گیش دوستیں ملک آں گوں گپ ءُُ تران بوھگ ءَ انت، راج ءَ را زوت وشیں ھال ءَ پُجارین آں۔ اے ھیالانی درشانی اائی ءَ چار شمبے ءِ روچ ءَ شپ ءِ ساھت ءَ راج ءَ گوں گشتانک دیان ءَ کت۔ مزن وزیر عمران خان ءَ وتی گشتانک ءِ بُنگیج ءَ گوشت کہ آ پاکستانی راج ءَ را وشیں ھال ءِ زوت دنت۔ اللہ پاک ءِ شگر ءَ گران کہ سعودی عرب ءَ جوانیں پیکیج ءِ داتگ ءُُ ایشی ءِ سبب ءَ وام چہ کوپگ ءَ کم تر اَنت۔ مزن وزیر ءَ وام آنی کوپگ ءِ بوھگ ءِ بابت ءَ راج ءِ دیم ءَ سرجمیں ھال بیان کنان ءَ گوشت کہ ما سروکی ءَ وھد ءِ اتکگ آں گڈا وام کوپگ آں بوتگ، ما را وام آنی کست واپس کنگی اَنت۔ اے رد ءَ زور اے بوتگ کہ ما تچک ءَ آئی ایم ایف ءِ کرا شتگ اَنت بلے ایشی ءَ پسر وام اگاں ما بُزرتیں گڈا تاوان الس ءَ را رستگ اَنت۔ ائی ءَ گوشت کہ مئے کوشست اِنت کہ ما دوستیں ملک آں چہ وان بہ زور آں ءُُ آئی ایم ایف ءَ چہ کم چہ کم وام بہ زور آں۔ مزن وزیر ءَ گوشت کہ اللہ پاک ءِ لک شگر اِنت کہ ما اے واھشت ءِ تہ ءَ کامیات بوتگ آں۔ مزن وزیر ءَ ملک ءِ سیاسی جاور ھال ءُُ وام آنی بوج ءِ بابت ءَ تران کنان ءَ گوشت کہ دوئیں گل آں گوستگیں دھ سال ءَ تاں ھرچی ک وام زرتگ ایشانی ڈرافٹ منی دیم ءَ اَنت۔ آئی ءَ گوشت کہ 1971ءَ پاکستان ءِ وام 30ارب کلدار بوتگ اَنت۔ منگلہ ڈیم جوڑ بوتگ، تربیلا ڈیم جوڑ بوتگ، انفراسٹرکچر جوڑ بوتگ، 60ءِ زمانگ ءَ پاکستان ترندی ءَ دیم ءَ شتگ ۔ آئی ءَ گوشت کہ 2008 ءَ وام گوستگیں 40 سال آنی تہ ءَ گیشا بوھان ءَ 30 ارب کلدار ءَ چہ 6 ہزار ارب کلدار ءَ تاں سر بوتگ وھدیکہ گوستگیں 10 سال آنی تہ ءَ پاکستان ءَ 30 ہزار ارب کلدار ءِ وام زُرتگ۔ مزن وزیر ءَ گوشت کہ اے گل دم پہ ساھت گوشگ ءَ اَنت کہ حکومت ناکام بوتگ، اے دُرست یکجاھ بوتگ انت کہ دوئیں ماہ آنی توک ءَ ملک ءِ مزنیں تاوان ءِ بوتگ۔ آئی ءَ گوشت کہ 10سال آنی تہ ءَ اے ملک ءِ اندر ءَ وام آناں 6 ہزار ارب کلدار ءَ چہ گیش کنان ءَ 30 ہزار ارب کلدار کنگ بوتگ۔ دومی نیمگ ءَ چپ ءُُ چاگرد ءَ تروکیں وام آنی بار کوپگ ءَ انت۔ 2013ءَ 480 ارب کلدار ءِ چپ ءُُ چاگرد ءَ تروکیں وام ءِ بار بوتگ۔ 2009ءَ 230ارب کلدار ءَ بگر تاں 2013ءَ 480ارب کلدار ءَ تاں پج اِت ءُُ انوں اے گردشی وام 1200ارب کلدار ءَ تاں سر بوتگ اَنت۔ ایشی ءَ ابید حکومت 40ارب کلدار ءِ ورکرز ویلفیئر فنڈ ھم ورگ بوتگ اَنت۔ پنجاب حکومت 1200 ارب کلدار ءِ وام یل کنگ بوتگ اَنت۔ مزن وزیر ءَ گوشت کہ پنجاپ اسمبلی ءَ ھرچی کہ آواں کتگ اے وڑ اِچ ملک ءَ نہ بیت۔ ایشاں ایوک ءَ اے کوشست اِنت کہ کجام ھم رنگ ءَ این آر او دیگ بہ بیت۔ مزن وزیر ءَ گوشت کہ جنرل (ر) پرویز مشرف ءَ دوئیں گل آنی سروک آں این آر او داتگ بلے ما ایشانان کلوہ دیگ لوٹاں کہ گوشاں پچ کن اِت کہ ما ایشاناں جاک ءُُ کوکار ءِ واستہ کنٹینر دیگ ءَ تیار آں ، ما ورگ ھم پُجارین آں بلے ایش ھرچی مرزی اَست بکن اَنت این آر او نہ بیت۔ مزن وزیر ءَ گوشت کہ اِچ دُز ءُُ شتل ءَ یل نہ کناں، ما الس ءَ گوں سوگند کتگ ءُُ اتکگ آں اے ملک ءَ کرپٹیں مردم آں جیل ءَ روان دیاں۔ مزن وزیر ءَ گوشت کہ پی اائی اے ءِ سر ءَ 400اربط کلدار ءِ وام کوپگ داتگ، اسٹیل ملز ءِ سر ءَ سئے ءُُ نیم ارب کلدار ءِ وام پر۔ آئی ءَ گوشت کہ ما آڈٹ کنگ ءَ آں، انوگ ءَ تاں ما اچ نہ کتگ، نیب ءَ ایش درستیں کیس کوھنین اَنت۔ مزن وزیر ءَ گوشت کہ راج اِچ پگر مہ کنت، اگاں کلدار ءِ نیاد کپتگ گڈا پگر مکن اِت ملک ھرابیں وھد ءَ چہ گوزگ ءَ اِنت۔ وھد ءِ ما لُچ ءُُ دُزئیں سروک آں برداشت کنان گڈا راج ھاسیں رنگ ءَ گریب آناں اے نیاد پیلو کنگ ءُُ سگگی اَنت۔ عمران خان ءَ گوشت کہ ورلڈ اکنامک فورم ءِ رد ءَ پاکستان ءَ کرپشن جھل ءَ کپتگ۔ اائی ءَ گوشت کہ ما منی لانڈرنگ ءِ سر ءَ دست ءُُ پنجگ کنگ ءَ آں، منی لانڈرنگ ءَ را درگ ءِ کوشست ءَ کنگ ءَ آں۔ مزن وزیر ءَ گوشت کہ اللہ پاک ءِ لک لک شگر اِنت کہ ا ملک ءَ سک باز نعمت است ، مردم ڈن ءَ چہ سرمایہ کاری ءِ واستہ تیار اَنت، ڈن ءِ ملک پاکستان ءَ سرمایہ کاری ءِ واستہ تیار اَنت بلے آ چارگ ءَ اَنت کہ سرمایہ کاری یے ادا چے جاور ءُُ چاگرد انت چیا کہ آ وھد ءِ پیسر ءَ اتکگ اَنت گڈا ھمک مردم زر ءُُ کلدار لوٹگ ءَ بوتگ ایشی ءِ سبب ءَ آ دوبئی ءَ شتگ ءُُ وتی سرمایہ جتگ انت۔ مزن وزیر ءَ وتی وژن پیش کنا ءَ گوشت کہ انشاء اللہ پاکستان ھما ملک بیت کہ وام ءِ زورگ ءِ مٹ ءَ دومی ملک آناں دنت اِنت۔
