پی آئی ڈی ءَ آس ءِ لگگ ءِ واکیہ ءِ پٹ ءُُ پول ءِ واستہ سیکرٹری اھوالکاری ءُُ شنگ کاری شفقت جلیل ءِ سروکی ءَ کمیٹی جوڑ کنگ بوتگ، وش بھتی ءِ سبب ءَ پی آئی ڈی ءِ ریکاٹ سچگ ءَ بچ اِتگ
اسلام آباد ۔ 24 اکتوبر (اے پی پی) بُنجاھی وزیر اھوالکاری ءُُ شنگ کاری فواد حسین چوہدری ءَ پریس انفارمیشن ڈیپارٹمنٹ (پی آئی ڈی) ءَ آس لگگ ءِ ھوالگ ءَ گوشت کہ واکیہ ءِ پٹ ءُُ پول ءِ واستہ سیکرٹری اھوالکاری ءُُ شنگ کاری شفقت جلیل ءِ سروکی ءَ کمیٹی جوڑ کنگ بوتگ، پی آئی ڈی ءِ ریکاٹ وش بھتی ءَ بچ اِتگ۔ بُنجاھی وزیر اھوالکاری ءُُ شنگ کاری ءَ پی آئی ڈی ءِ ڈن ءَ واکیہ ءِ چار ءُُ تپاس کنگ ءَ پد میڈیا ءَ گوں تران کنان ءَ گوشت کہ پی اائی ڈی ءِ ماڑی کرایہ ءِ سر ءَ زورگ بوتگ ایشرا لستیں وھد ءَ پد ھالیگ کنگ ءِ پیسلہ کنگ بوتگ ات۔ ییک جُستے ءِ پسو ءَ آئی ءَ گوشت کہ آس سوشل میڈیا سینٹر ءَ لگ اِتگ اے آس ءِ لگگ ءِ وجہ ءَ را مالوم کنگ ءِ ھاترا مزن تک ءِ پٹ ءُُ پولی کمیٹی ءِ جوڑ کنگ بوتگ، کمیٹی ءِ سروک سیکرٹری اھوالکاری ءُُ شنگ کاری شفقت جلیل ءَ را جوڑ کنگ بوتگ۔ آئی ءَ گوشت کہ اے کمیٹی یک سرجمیں رپوٹ ءِ تیار کنت ءُُ زوت ایشرا پیش کنت اِنت۔ یک جُستے ءِ پسو ءَ آئی ءَ گوشت کہ اللہ ءِ شگر اِنت کہ اِچ جانی تاوان نہ رستگ، پی آئی ڈی ءِ توامیں ریکاٹ محفوظ اَنت، اے ریکاٹ کمپوٹرائز کنگ بوتگ اَنت۔ آئی ءَ گوشت کہ کمیٹی ءَ را آس لگگ ءِ وجہ ءَ را زانگ ءِ واستہ ھمک رنگ ءِ اختیار دیگ بیت۔ آئی ءَ گوشت کہ آس لگگ ءِ سبب ءَ رستگیں تاوان بار ءِ ھساب کتاب ھم جنگ بیت۔
