مسلم ملک آنی پارلیمان مسلمان آنی جیڈھ آنی گیواری ءِ واستہ مھکمیں گامگیج بکن اَنت، مسلمانیں ملک وتی دوست آنی گوما یکوئی ءَ چہ سیت چست کنان ءَ اقتصادی کمک ءِ واستہ نوکیں کشک جوڑ کنگ ءِ نیمگ ءَ دلگوشی بد ینت
اسلام آباد ۔ 24 اکتوبر (اے پی پی) چیئرمین سینیٹ محمد صادق سنجرانی ءَ مسلمانیں ملک آنی پارلیمان آنی سر ءَ زور پر دات کہ آ مسلمان آنی جیڈھ آنی گیواری ءِ واستہ گامگیج چست بکن اَنت، مسلمانیں ملک وتی دوستی ءُُ یکوئی ءَ چہ سیت کنان ءَ اقتصادی کمک ءِ کشک آنی سر ءَ دلگوشی بدینت۔ چیئرمین سینیٹ ءَ اے ھیالانی درشانی آئی ءَ چار شمبے ءِ روچ ءَ شام ءِ سفیر رضوان لطفی ءَ گوں پارلیمنٹ گس ءَ گند ءُُ نند ءِ ساھت ءَ تران کت۔ صادق سنجرانی ءَ استیں دو نیمگی یکوئی ءَ را گیش برجم کنگ ءُُ اے رد ءَ پارلیمانی یکوئی آناں گیش مھکم کنگ ءِ ارزشت ءَ را سہرا کت۔ آئی ءَ گوشت کہ پاکستان ءُُ شام ءَ راجدپتری رابطہ است اَنت ءُُ پارلیمانی تک ءَ دو نیمگی یکوئی آناں گیش دیمروئی دیگ ءِ گنجاشک است انت۔ شام ءِ سفیر ءَ شام ءِ پارلیمنٹ ءِ سپیکر ءِ نیمگ ءَ چہ چیئرمین سینیٹ ءَ را شام ءِ تر ءُُ تاب کنگ ءِ دعوت ھم دات۔
