اسلام آباد۔ 24اکتوبر (اے پی پی) پاک چین اقتصادی راہداری پاکستان اٹی اقتصادی و واپاری سرجزآتے مون آ دننگ کن عظیم ءُ ڈٹ اسے، ساڑی حکومت انسانی وسیلہ غاتے گچین وڑاٹ کاریم اٹ اتنگ کن وارخواہی ودی و ملک ءِ اقتصادی تنکی آن کشنگ کن گچین ڈٹ بندی کننگ ءِ۔ دابابت تدوک آدے بنجائی وزیر ڈٹ بندی ، شونداری و اصلاحات مخدوم خسرو بختیار ڈل اتون ہیت وگپ کرسا پارے کہ حکومت پاکستان ءِ مریس وخت اٹی نیامی کٹیا کروک ملک اس جوڑ کننگ نا غرض اٹ ڈھانچہ جاتی اقتصادی اصلاحات اتنگ کن گچین اقتصادی ڈٹ آ کاریم کننگ ءِ۔ اوپارے کہ خراج انتظامیہ نا گچینی، بچت نا دنگ و زرکاری ٹی ودکی کن مالیاتی ادارہ غاتا است بڈی، زرکاری نا وارخواہی و اونا خڑچ و وخت اٹی کمتی، انتظامی وڑوڈول اٹی گچینی و ٹیکنالوجی نا کمک اٹ ملک انا معیشت بحال مریک۔
