بھارتی فوج کشمیری ورناتے اسٹ اسٹ آ خلنگ ءِ، جہانی برادری کشمیر اٹی انسانی حق انا خلاف ورزی تا نوٹس ءِ ہلے
اسلام آباد۔ 24اکتوبر (اے پی پی) ڈپٹی چیئرمین سینیٹ سلیم مانڈوی والا کشمیر اٹی وادی کلگام اٹی بھارتی دہشت گردی نا ترند انگا لوز آتے ٹی مذمت ءِ کرسا پارینے کہ بھارتی فوج کشمیری ورناتے اسٹ اسٹ آ خلنگ ءِ ، سری نگر اٹی بھارتی فوج کرفیو نافذ کرینے، کلگام اٹی کودک کشمیری تا لس خون ءِ کننگ انگ ءِ۔ سینیٹر سلیم مانڈوی والا پارے کہ کلگام اٹی بھارتی فوج انا دہشت گردی آن منہ دے اٹی دہ آن زیات ورناشہید مسنو۔ بھارتی فوج انا دہشت گردی نا سوب کلگام اٹی کاروباری زند یند مسنے۔ کلگام اٹی تعلیمی ادارہ، ہسپتال و کاروبار بند ءِ اوپارے کہ کشمیر اٹی بھارتی فوج انا بیدادی نا پبی مذمت ءِ کینہ۔ پاکستان کشمیری تا حق اکن توار بڑزکرسا کیک۔ سلیم مانڈوی والا خواست کرے کہ جہانی برادری کشمیر اٹی انسانی حق انا خلاف ورزی تا نوٹس ءِ ہلے و کشمیر اٹی ریاستی دہشت گردی ءِ بند کرفنگے۔
