کوئٹہ۔ 24اکتوبر (اے پی پی) وزیراعلیٰ بلوچستان جام کمال خان کوئٹہ ٹی پرائیویٹ ءُ اسکول اسے آ سم کاری نا واقعہ نا ترند انگا لوز آتے ٹی مذمت ءِ کرے، واقعہ نا دمدستی رپورٹ ءِ بٹنگا ، سم کاری ٹی ٹھپی مروک آ چناتیا است ہسونی نا درشان ، سرجم احوال آتارداٹ وزیراعلیٰ بلوچستان جام کمال خان کوئٹہ کلی شابو ٹی پرائیویٹ ءُ اسکول اسے آ نادرست سلہہ بند بندغ آتا کنڈآن سم کاری نا واقعہ نا ترند انگا لوز آتے ٹی مذمت ءِ کرسا تعلقدار کمامدار آتیان دمدستی وڑاٹ رپورٹ ءِ بٹنگا، اومحکمہ جان جوڑی نا کمامدارآتے پارت کرسا سم کاری ٹی ٹھپی مروک آ چناتے دمدستی وڑاٹ طبی امداد تننگے، وزیراعلیٰ بلوچستان پارے کہ اوار عنصر آتے دمدستی وڑاٹ دزگیر کرسا اوفتے اوفتا کروک نا سزا تننگے۔
