اسلام آباد۔23اکتوبر (اے پی پی) پاکستان ءُُ لیتھوانیا ءِ نیام ءَ دو نیمگی سیاسی شور ءُُ سلاھ آنی ششمی بھرسئے شمبے ءَ ادا درئی کارانی کارگس ءَ برجم دارگ بوت۔ شریک آں دو نیمگی یکوئی ءِ ھواریں گامگیج اانی سر ءَ دل یکیمی ءِ درشان کت ءُُ وت مہ وتی واھشتی توامیں شوبگ آنی تہ ءَ کمک ءَ را گیش دیمروئی دیگ ءِ جزم ءِ درشان کت۔ درئی کارانی جارچین ءِ رد ءَ شور ءُُ سلاھی دیوان ءَ ایڈیشنل سیکرٹری (یورپ) ظہیر اے جنجوعہ ءَ پاکستانی ڈل وھدیکہ لیتھوانیا ءِ درئی کارانی وزارت ءَ ڈائریکٹر برائے افریقہ، ایشیاء ءُُ پیسفک ایڈورڈز بوریسوس ءَ وتی ملک ڈل ءِ سروکی کت۔ دیوان ءِ ساھت ءَ دوئیں ملک آنی نیمگ ءَ دو نیمگی یکوئی ءِ توامیں سرھال آنی سر ءَ چار ءُُ تپاسی گپت ءُُ ھاسیں تجارت، سرمایہ کاری، وانگ ءُُ زانگ ، دود ءُُ ربیدگ ءُُ الس ءِ نیام ءَ رابطہ ءِ شوبگ آنی تہ ءَ گیش کمکی موہ ءُُ امیت آنی نشان دات۔ ایڈیشنل سیکرٹری ءَ گوزوکیں سال ءَ لس گچین کاری، نوکیں حکومت ءِ ترج داتگیں کار آنی بابت ءَ بریف کت ءُُ لیتھواینا ءِ کمپنی آناں پاکستان ءَ ھاٹیگ، انفارمیشن ءُُ کمیونیکشن ٹیکنالوجی ءُُ کشت ءُُ کشاری سیکٹر ءَ سرمایہ کاری کنگ ءِ د عوت دات۔ جارچین ءِ رد ءَ دوئیں یونائیٹڈ نیشن ءَ ھوار میاں اوستمانی تک ءَ وت مہ وتی کمک آنی ھوالگ ءَ باست ءُُ واست کت ءُُ ایشی ءِ تہ ءَ گیش دیمروئی ءِ ضلورت ءِ سر ءَ تپاک کت۔
