ریاض۔23اکتوبر (اے پی پی) مزن وزیر عمران خان ءَ سئے شمبے ءِ روچ ءَ سعودی فرمانروا خادم الحرمیں الشریفین شاہ سلمان بن عبدالعزیز ءَ گوں گند ءُُ نند کت۔ گند ءُُ نند ءَ دوئیں سروک آں دو نیمگی یکوئی ، دمگی ءُُ میاں اوستمانی جاور ھال آنی سر ءَ ھیال ریچی کت۔ آئی ءَ دو نیمگی کمک آناں گیش دیمروئی دیگ ءُُ برجائی ءِ واستہ وتی کوشست آنی درشان کت، وت مہ وتی واھگی کار، تجارت، سرمایہ کاری ءُُ اقتصادی یکوئی ءِ کار آنی سر ءَ ھیال ریچی بوت۔ سعودی عرب ءَ کار کنوکیں پاکستانی مُزدگر آنی جیڈھ ءِ سر ءَ ھیال ریچی کنگ بوت۔ سعودی فرمانروا شاہ سلامان ءِ نیمگ ءَ سیادی داروکیں وزارت آناں پاکستانی آنی جیڈھ آنی گیواری ءِ واستہ زوت گامگیج ءِ پنت ءُُ شونگ ھم کنگ بوت۔ وزیر ءِ درئی کار شاہ محمود قریشی ، وزیر ءِ ھزانگ اسد عمر، وزیرِ اھوالکاری چودھری فواد حسین، مشیرتجارت عبد رزاق داوؤد، وزیر مملکت ہارون شریف ءُُ سعودی عرب ءَ پاکستان ءِ سفیر خان ہشام بن صدیق ھم گند ءُُ نند ءَ ساڑی اَت۔
