اسلام آباد۔ 23 اکتوبر (اے پی پی) وزیراعظم عمران خان سعودی عرب نا اِرادے ئی سرکاری دورہ نا ارٹ میکومرحلہ ٹی سے شنبے نادے ریاض آ سرمس۔ بالی پٹ آ ریاض نا گورنر شہزادہ فیصل بن عبدالعزیز و پاکستان نا سفیر خان ہشام بن صدیق اودے بخیر کریر وخت اس کہ ایلو سعودی کمامدار آک و قونصلیٹ نا آفیسر آک ہم وزیراعظم نا بخیر کننگ کن ہموڑے ساڑی ئسر۔ وزیر خارجہ شاہ محمو د قریشی ، وزیر خزانہ اسد عمر، وزیر اطلاعات چوہدری فواد حسین، سلاہکار واپار عبدالرزاق داؤد و وزیر مملکت /چیئرمین زرکاری بورڈ ہارون شریف ئسک ہم وزیراعظم تون اوار ءُ داکان مست وزیراعظم تینا ڈل اتون اوار مدینہ منورہ ٹی تدوک آنن روضہ رسول ﷺ آ حاضری تس، خفتن نا نماز و نفل خوانا۔ داوخت آ اوملک انا شونداری ، شونہالی و سلامتی کن خصوصی دعا ہم کرے۔
