اسلام آباد ۔ 23اکتوبر (اے پی پی) پاک بحریہ نا سروک ایڈمرل ظفرمحمود عباسی تون آذربائیجان اسٹیٹ بارڈر سروس نا چیف کرنل جنرل الچین گلیوف اوڑدہی کرے ہراٹی تین پہ تینی است خواہی نا چندی معاملہ غاتیا خیال آتا درشانی ءِ کننگا۔ ترجمان پاک بحریہ نا رداٹ آذربائیجان اسٹیٹ بارڈر سروس نا چیف کرنل جنرل الچین گلیوف نیول ہیڈ کوارٹراسلام آباد نا دورہ ءِ کرے ہراڑے او پاک بحریہ نا سروک تون اوڑدہی کرے۔ اوڑدہی ٹی ڈیہہ نا سیکورٹی ءِ پین سوگو کننگ کن تین پہ تینی کمکاری آ ہم ہیت و گپ کننگا۔ سروک پاک بحریہ ڈیہہ نا میری ٹائم سیکورٹی نا قیام اٹی پاک بحریہ نا کڑد ءِ مون آ تخا۔ آذربائیجان اسٹیٹ بارڈر سروس نا چیف بحری قزاقی و میری ٹائم دہشت گردی نا توننگ اٹی پاک بحریہ نا کوشست آتا ستاءِ کرے۔

متعلقہ مضامینمصنف کی طرف سے مزید